(ସତ୍ୟପାଠ ବ୍ୟୁରୋ) ଭୁବନେଶ୍ୱର : କରୋନାରେ ଝାରସୁଗୁଡ଼ାର ଯୁବ ସାମ୍ବାଦିକ ଅମଜାଦ୍ ବାଦଶାହାଙ୍କ ଦେହାନ୍ତ ଘଟିଛି । ସେ ସୋସିଓକାର୍ଟ ଏବଂ NFTv ମିଡିଆ ପ୍ରାଇଭେଟ୍ ଲିମିଟେଡ୍ ରେ କନ୍ସୁଲଟିଙ୍ଗ୍ ଏଡିଟର ଭାବେ କାର୍ଯ୍ୟ କରୁଥିଲେ। ଗତ ଏପ୍ରିଲ ୭ ତାରିଖରେ ତାଙ୍କ ଫେସବୁକ ଆକାଉଣ୍ଟରେ ସେ କରୋନା ପଜିଟିଭ ହୋଇଥିବା ସୂଚନା ଦେଇଥିଲେ। ଏବଂ ତାଙ୍କ ସଂସ୍ପର୍ଶରେ ଆସୁଥିବା ବ୍ୟକ୍ତି ବିଶେଷଙ୍କୁ ସଙ୍ଗରୋଧରେ ରହିବାକୁ ଅନୁରୋଧ କରିଥିଲେ। ଆଜି ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ସ୍ବର୍ଗତ ବାଦଶାହା ଏକାଧାରରେ ଜଣେ ସାମ୍ବାଦିକ , ଗଣମାଧ୍ୟମ ଶିକ୍ଷାବିତ୍ , ରାଜନୀତି ଓ ପରିବେଶ ସୁରକ୍ଷା ଉପରେ ରୁଚି ରଖୁଥିବା ବ୍ୟକ୍ତି ଥିଲେ । ୨୦୧୭ ମସିହା ପାଇଁ ସାଉଥ୍ ଏସିଆ ମିଡିଆ ଟକ୍ ତରଫରୁ ଡେଭେଲପମେଣ୍ଟାଲ ରିପୋର୍ଟଙ୍ଗ୍ ପାଇଁ ଓଡ଼ିଶା ମିଡିଆ ଆୱାର୍ଡ ୨୦୧୭ ସମ୍ମାନରେ ତାଙ୍କୁ ସମ୍ମାନିତ କରାଯାଇଥିଲା ।
