(ସତ୍ୟପାଠ ବ୍ୟୁରୋ) ଭୁବନେଶ୍ୱର : କରୋନା ଟୀକାକରଣର ନୂତନ ନୀତି ସମ୍ପର୍କରେ କଂଗ୍ରେସ ସଭାପତି ସୋନିଆ ଗାନ୍ଧୀ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଚିଠି ଲେଖିଛନ୍ତି। ଏହି ନୂତନ ଟିକା ନୀତିକୁ ସେ ‘ଭେଦଭାବକାରୀ’ ବୋଲି କହିଛନ୍ତି। ପ୍ରଧାନମନ୍ତ୍ରୀଙ୍କୁ ଲେଖିଥିବା ଏହି ପତ୍ରରେ ସୋନିଆ ଗାନ୍ଧୀ ଅଭିଯୋଗ କରିଛନ୍ତି ଯେ ନୂତନ ଟିକା ନୀତିରେ 18 ବର୍ଷରୁ 45 ବର୍ଷିୟ ଲୋକଙ୍କୁ ମାଗଣା ଟିକା ଦେବା ପାଇଁ ସରକାର ନିଜ ଦାୟିତ୍ୱରୁ ଦୂରେଇ ଯାଇଛନ୍ତି। ସେ କହିଛନ୍ତି, “ଗତ ବର୍ଷର ତିକ୍ତ ଅନୁଭୂତି ଦେଖିବା ପରେ ସରକାର ଏକ ମନମୁଖୀ ତଥା ଭେଦଭାବ ନୀତି ଉପରେ ଆଗକୁ ବଢୁଛନ୍ତି। ଏହା ଯୁବପିଢି ପ୍ରତି ସରକାରଙ୍କ ସମ୍ପୂର୍ଣ୍ଣ ଅସନ୍ତୋଷକୁ ଦର୍ଶାଉଛି। ଯେକୌଣସି ଯୁକ୍ତିଯୁକ୍ତ ବ୍ୟକ୍ତି ଟିକା ମୂଲ୍ୟରେ ରାଜି ହେବେ। ‘ ସୋମବାର କେନ୍ଦ୍ର ସରକାର ନୂତନ ଟିକା ନୀତି ଘୋଷଣା କରିଛନ୍ତି। ଏହି ନୀତି ଅନୁଯାୟୀ, ମେ 1 ରୁ 18 ବର୍ଷରୁ ଅଧିକ ସମସ୍ତ ବ୍ୟକ୍ତିଙ୍କୁ କରୋନା ଟିକା ଦିଆଯିବ। ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏହାର କୋଭିଡ -19 ଟିକା କୋଭିଶିଲ୍ଡର ନୂତନ ମୂଲ୍ୟ ଘୋଷଣା କରିଛି। ସେରମ୍ ଏହାର ଟୀକାକରଣର ଗୋଟିଏ ଡୋଜ ରାଜ୍ୟ ସରକାରଙ୍କୁ 400 ଟଙ୍କା ଏବଂ ଘରୋଇ ଡାକ୍ତରଖାନାକୁ 600 ଟଙ୍କାରେ ପ୍ରଦାନ କରିବ। ସେରମ୍ ତିଆରି କରୁଥିବା କୋଭିଡ୍ ଟିକା ପାଇଁ ଯେଉଁ ଦର ଧାର୍ଯ୍ୟ କରିଛି ତାହା ଗ୍ରହଣୀୟ ନୁହେଁ। କେନ୍ଦ୍ରର ତ୍ରୁଟିପୂର୍ଣ୍ଣ ନୀତି ପାଇଁ ଟିକା ଉତ୍ପାଦନକାରୀ ଏଭଳି ଦର ଘୋଷଣା କରିଛି ବୋଲି ସୋନିଆ କହିଛନ୍ତି। କେନ୍ଦ୍ର ସରକାରଙ୍କ ନିକଟରେ ଉପଲବ୍ଧ ଟିକାକରଣର ୫୦ ପ୍ରତିଶତ ବିଭିନ୍ନ ରାଜ୍ୟକୁ ବିନା ପାତର ଅନ୍ତରରେ ଦିଆଯିବା ଦରକାର ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦର ମୂଲ୍ୟାଙ୍କନ ବାବଦରେ ହସ୍ତକ୍ଷେପ କରି ଗୋଟିଏ ଦର ଘୋଷଣା କରିବା ଦରକାର ବୋଲି ସେ ଚିଠିରେ ଉଲ୍ଲେଖ କରିଛନ୍ତି।
