![](https://www.satyapatha.com/wp-content/uploads/2022/03/download-13.jpg)
ଯୁଦ୍ଧ ଆଜିକୁ ୧୩ ଦିନରେ ପହଞ୍ଚିଛି । ରୁଷିଆ ସେନା ଲଗାତାର ଭାବରେ ୟୁକ୍ରେନ ଉପରକୁ ଆକ୍ରମଣ କରି ଚାଲିଛନ୍ତି | ରୁଷ ସେନାଙ୍କ ଲଗାତାର ଆକ୍ରମଣ ରେ ୟୁକ୍ରେନ ଛିନଛତ୍ର ହେବାକୁ ବସିଲାଣି | ତଥାପି ୟୁକ୍ରେନ ସେନା ରୁଷ ସେନାଙ୍କୁ କଡା ଟକ୍କର ଦେବାରେ ଲାଗିଛନ୍ତି | ଫଳରେ ଉଭୟଙ୍କ ମଧ୍ୟରେ ଲାଗିରହିଥିବା ଯୁଦ୍ଧ ପୂର୍ବ ପରି ଜାରି ରହିଛି | ସେପଟେ ଯୁଦ୍ଧ ମଝିରେ ପେଣ୍ଟାଗନ ରୁଷିଆ ବିରୋଧର ଏକ ବଡ଼ ଅଭିଯୋଗ ଆଣିଛି | ୟୁକ୍ରେନ୍ ମିଡିଆ କହିଛି ଯେ, ପେଣ୍ଟାଗନ ଅନୁସାରେ ୟୁକ୍ରେନ୍ ଉପରେ ଆକ୍ରମଣ କରିବା ପାଇଁ ସିରିଆର ଯୋଦ୍ଧାଙ୍କୁ ରୁଷିଆ ନିଜ ସେନାରେ ସାମିଲ କରୁଛି ।
ସୂଚନାଯୋଗ୍ୟ, ପୂର୍ବରୁ ମଧ୍ୟ ଗଣମାଧ୍ୟମରେ ଚର୍ଚ୍ଚା ହେଉଥିଲା ଯେ, ସିରିଆର ଯୋଦ୍ଧାଙ୍କୁ ପୁତିନ ନିଜର ସେନାରେ ଭର୍ତ୍ତି କରୁଛନ୍ତି । ପେଣ୍ଟାଗନର ମୁଖପାତ୍ର ଜନ କିର୍ବୀ କହିଛନ୍ତି ଯେ, ତାଙ୍କୁ ସିରିଆର ଯୋଦ୍ଧାଙ୍କ ସଂଖ୍ୟା ତଥା କ୍ଷମତା ସଂପର୍କରେ ସୂଚନା ନାହିଁ । ଯୁଦ୍ଧକୁ ଆଜି ୧୩ ଦିନ ହୋଇଥିବା ବେଳେ ୟୁକ୍ରେନ୍ର ୧୦ ବିଲିୟନ ଡଲାର ସମ୍ପତ୍ତି କ୍ଷତି ହୋଇସାରିଛି । ୟୁକ୍ରେନ୍ ମିଡିଆ ପକ୍ଷରୁ ଏହା ଦାବି କରାଯାଇଛି । ୟୁକ୍ରେନ୍ର ଭତ୍ତିଭୂମି ମନ୍ତ୍ରୀ ଆଲେକଜାଣ୍ଡର କୁବ୍ରାକୋଭ ପକ୍ଷରୁ ଏହି ଦାବି କରାଯାଇଛି । ସେ କହିଛନ୍ତି ଯେ, ଏକ ବର୍ଷ ମଧ୍ୟରେ ଏହାକୁ ଆମେ ପୂରା କରିଦେବୁ ।
ଯୁଦ୍ଧ ଆଜି ୧୩ ଦିନରେ ପହଞ୍ଚିଛି । କିନ୍ତୁ ଯୁଦ୍ଧ ବିରତି ପାଇଁ ସେହିଭଳି କୌଣସି ଦୃଷ୍ଟାନ୍ତ ପଦକ୍ଷେପ ନିଆଯାଇ ନାହିଁ । ଏବେ ୟୁକ୍ରେନ୍ ସାମ୍ନାରେ ଯୁଦ୍ଧ ବନ୍ଦ କରିବା ପାଇଁ ରୁଷିଆ କିଛି ସର୍ତ୍ତ ରଖିଛି । ୟୁକ୍ରେନ୍ର ମିଡିଆ ଦାବି କରିଛି ଯେ, ରୁଷିଆ ୪ଟି ଗୁରୁତ୍ୱପୂର୍ଣ୍ଣ ସର୍ତ୍ତ ରଖିଛି | ଯଦି ୟୁକ୍ରେନ ସେ ସବୁ ସର୍ତ କୁ ମାନିନିଏ ତେବେ ଆଉ ଗୋଟିଏ ବି ଗୁଳି ଫୁଟିବ ନାହିଁ ବୋଲି କହିଛି ରୁଷ |