![](https://www.satyapatha.com/wp-content/uploads/2021/07/IMG_20210716_154245.png)
(ସତ୍ୟପାଠ ବ୍ୟୁରୋ) ଭୁବନେଶ୍ୱର: ପୁଲିତଜର ପୁରସ୍କାର (Pulitzer Prize) ପୁରସ୍କାର ବିଜେତା ରଏଟର୍ସ ଫଟୋ ସାମ୍ବାଦିକ ଦାନିଶ ସିଦ୍ଦିକି ଶୁକ୍ରବାର ଦିନ କାନ୍ଦାହାର ସହରରେ ଆଫଗାନିସ୍ତାନ ସୁରକ୍ଷା ବାହିନୀ ଏବଂ ତାଲିବାନ ବିଦ୍ରୋହୀଙ୍କ ମଧ୍ୟରେ ହୋଇଥିବା ସଂଘର୍ଷର କଭରେଜ୍ କରୁଥିବା ସମୟରେ ମୃତ୍ୟୁ ଘଟିଥିବା ନେଇ ନ୍ୟୁଜ୍ ଏଜେନ୍ସି ପକ୍ଷରୁ ସୂଚନା ମିଳିଛି।
୪୧ ବର୍ଷିୟ ସିଦ୍ଦିକି, ଭାରତରେ ରଏଟର୍ସ ପିକ୍ଚର୍ସ ମଲ୍ଟିମିଡିଆ ଟିମ୍ ର ମୁଖ୍ୟ ଥିଲେ। ଗତ ଏକ ବର୍ଷ ମଧ୍ୟରେ, ସେ ଭାରତରେ ଗୁରୁତ୍ବପୂର୍ଣ୍ଣ ମୂହୁର୍ତ୍ତଗୁଡିକୁ କ୍ଯାପଚର୍ କରିଥିଲେ । ୨୦୨୦ ରେ ନାଗରିକତ୍ୱ ସଂଶୋଧନ ଆଇନ(CAA), ଉତ୍ତର ପୂର୍ବ ଦିଲ୍ଲୀ ଦଙ୍ଗା, ଏପ୍ରିଲ ରୁ ମେ ମାସ ମଧ୍ୟରେ ଦେଶବ୍ୟାପୀ କୋଭିଡ ଲକଡାଉନ୍ ଲାଗିବା ପରେ ପ୍ରବାସୀ ଶ୍ରମିକମାନଙ୍କର ଘରକୁ ଫେରିବା ସମୟର ଫଟୋକୁ ସେ ତାଙ୍କ କ୍ୟାମେରାରେ କଏଦ କରିଥିଲେ।
୨୦୧୫ ରେ ନେପାଳର ଭୂକମ୍ପ, ୨୦୧୭ ରେ ମୋସୁଲ ଯୁଦ୍ଧ, ମିଆଁମାରରେ ରୋହିଙ୍ଗ୍ୟା ନରସଂହାର ଏବଂ ସ୍ୱିଜରଲ୍ୟାଣ୍ଡରେ ଶରଣ ନେଇଥିବା ବ୍ୟକ୍ତିଙ୍କ ଫଟୋ ଏଭଳି ଅନେକ ଗୁରୁତ୍ୱପୂର୍ଣ୍ଣ ଘଟଣାର ସେ କଭରେଜ କରିଥିଲେ।
ଦାନିଶ ସିଦ୍ଦିକି ତାଙ୍କ ସହକର୍ମୀ ଅଦନାନ୍ ଆବିଦିଙ୍କ ସହ ୨୦୧୮ରେ ପୁଲିତଜର ପୁରସ୍କାର (Pulitzer Prize) ଜିତିଥିଲେ । ସେତେବେଳେ ସେ ପୁଲିତଜର ପୁରସ୍କାର ଜିତିଥିବା ପ୍ରଥମ ଭାରତୀୟ ହୋଇଥିଲେ । ରୋହିଙ୍ଗ୍ୟା ଶରଣାର୍ଥୀ ସଙ୍କଟକୁ ଦାନିଶ୍ ମଧ୍ୟ କଭର୍ କରିଥିଲେ ।
![](https://www.satyapatha.com/wp-content/uploads/2021/07/IMG_20210716_160026.jpg)
ବଙ୍ଗୋପସାଗର ପାର ହେବା ପରେ ଜଣେ ରୋହିଙ୍ଗ୍ୟା ଶରଣାର୍ଥୀ। (ଦାନିଶ୍ ସିଦ୍ଦିକି / ରଏଟର୍ସ)
ସେ ଏହି ଫଟୋ ବିଷୟରେ କହିଛନ୍ତି ଯେ , “ ପଛରେ ଉଠୁଥିବା ଧୂଆଁ ସହିତ ମହିଳାଙ୍କ ଅସହାୟତା ଏବଂ ଥକାପଣକୁ ଆପଣ ଦେଖିପାରିବେ। ମୁଁ ଏହି ଫ୍ରେମ୍ କୁ ସାରା ବିଶ୍ୱକୁ ଦେଖାଇବାକୁ ଚାହୁଁଥିଲି। ”
୨୦୧୮ ରେ Scroll.in କୁ ଦେଇଥିବା ଏକ ସାକ୍ଷାତକାରରେ ସେ କହିଛନ୍ତି ଯେ ଗୋଟିଏ ଛବି “ଲୋକଙ୍କୁ ଆକର୍ଷିତ କରିବା ଉଚିତ ଏବଂ ଫଟୋ ଟିଏ ସେମାନଙ୍କୁ ସମ୍ପୂର୍ଣ୍ଣ କାହାଣୀ କହିବା ଉଚିତ୍।”
![](https://www.satyapatha.com/wp-content/uploads/2021/07/1626437143296-1024x679.jpg)
୩୦ ଜାନୁୟାରୀ ୨୦୨୦ ରେ ଦିଲ୍ଲୀର ଜାମିଆ ମିଲିଆ ଇସଲାମିଆ ବିଶ୍ୱବିଦ୍ୟାଳୟ ନିକଟରେ ଜଣେ ବନ୍ଧୁକଧାରୀ ସିଏଏ ବିରୋଧ ପ୍ରଦର୍ଶନକାରୀଙ୍କୁ ଧମକ ଦେଉଥିବା ସମୟର ଫଟୋ । (ଦାନିଶ୍ ସିଦ୍ଦିକି / ରଏଟର୍ସ)
ରଏଟର୍ସ ୱେବସାଇଟରେ ସିଦ୍ଦିକିଙ୍କ ପ୍ରୋଫାଇଲ୍ ପେଜ୍ ରେ କୁହାଯାଇଛି ଯେ ସେ ବ୍ୟବସାୟଠାରୁ ଆରମ୍ଭ କରି ରାଜନୀତି ଓ କ୍ରୀଡା ପର୍ଯ୍ୟନ୍ତ ସେ ସବୁକିଛି କଭରେଜ କରିବାକୁ ପସନ୍ଦ କରନ୍ତି, କିନ୍ତୁ ସେ ଯାହାକୁ ସେ ଅଧିକ ଉପଭୋଗ କରିନ୍ତି ତାହା ହେଉଛି ଏକ ବ୍ରେକିଂ ଷ୍ଟୋରୀର ମାନବୀୟ ଚେହେରାକୁ କଏଦ କରିବା। ସେ କହିଥିଲେ ଯେ, ” ମୁଁ ବିଭିନ୍ନ ପ୍ରକାରର ସଙ୍ଘର୍ଷର ପରିଣାମ ସ୍ୱରୂପ ଲୋକଙ୍କୁ ପ୍ରଭାବିତ କରୁଥିବା ବିଷୟଗୁଡିକୁ କଭରେଜ୍ କରିବାକୁ ପସନ୍ଦ କରେ।
![](https://www.satyapatha.com/wp-content/uploads/2021/07/IMG_20210716_160029.jpg)
୨୪ ଫେବୃଆରୀ ୨୦୨୦ରେ ଦିଲ୍ଲୀରେ ସିଏଏ ବିରୋଧ ପ୍ରଦର୍ଶନ ସମୟରେ ହିନ୍ଦୁ ସମର୍ଥକ ସ୍ଲୋଗାନ ଦେଉଥିବା ଏକ ଗୋଷ୍ଠୀ ମୁସଲମାନ ବ୍ୟକ୍ତିଙ୍କୁ ମାଡ ମାରୁଥିବା ସମୟର ଫଟୋ
(କ୍ରେଡିଟ୍: ଦାନିଶ୍ ସିଦ୍ଦିକି / ରଏଟର୍ସ)
କୋଭିଡ -19 ସଙ୍କଟ ସମୟରେ ସେ ଭାରତର ଛୋଟ ଛୋଟ ସହରରେ ଡାକ୍ତରଖାନା ପରିଦର୍ଶନ କରି କଭରେଜ୍ କରି ଥିଲେ । ସେ ମେ ୧୧ ରେ ଟ୍ୱିଟ୍ କରି କହିଥିଲେ,” ଭାରତରେ କୋଭିଡ୍ ର ଦ୍ବିତୀୟ ଲହର ଛୋଟ ସହର ଏବଂ ଗ୍ରାମାଞ୍ଚଳରେ ପହଞ୍ଚିଛି। ଏତେ ବଡ ଜନସ୍ୱାସ୍ଥ୍ୟ ସଙ୍କଟକୁ ମୁକାବିଲା କରିବା ପାଇଁ ସଜ୍ଜିତ ହୋଇନଥିବା ଏକ ଦୁର୍ବଳ ସ୍ୱାସ୍ଥ୍ୟ ବ୍ୟବସ୍ଥା ମାଧ୍ୟମରେ ଏହା ଭାଙ୍ଗି ଯାଇଛି। “
![](https://www.satyapatha.com/wp-content/uploads/2021/07/1626431616075-1024x538.jpg)
ଏପ୍ରିଲ ୨୨ ରେ ଡ୍ରୋନ ସାହାଯ୍ୟରେ ନିଆଯାଇଥିବା ଦିଲ୍ଲୀରେ ଏକ ଶବଦାହର ଫଟୋ (ଦାନିଶ୍ ସିଦ୍ଦିକି / ରଏଟର୍ସ)
ତାଙ୍କ କାର୍ଯ୍ୟ ବିଷୟରେ ସିଦ୍ଦିକି କୁହନ୍ତି ଯେ ସେ ସାଧାରଣ ଲୋକଙ୍କ ପାଇଁ ଫଟୋ ଉଠାଇଛନ୍ତି, “ସେ ଏମିତି ସ୍ଥାନର ଏକ କାହାଣୀ ଦେଖିବାକୁ ଏବଂ ଅନୁଭବ କରିବାକୁ ଚାହାଁନ୍ତି ଯେଉଁଠାରେ ସେ ନିଜେ ଉପସ୍ଥିତ ରହିପାରିବେ ନାହିଁ। ”
![](https://www.satyapatha.com/wp-content/uploads/2021/07/1626431623144.jpg)
ଏପ୍ରିଲ୍ ୨୨, ୨୦୨୧ ରେ ଦିଲ୍ଲୀର ଏକ ଶବଦାହ ଗ୍ରାଉଣ୍ଡରେ କରୋନାରେ ମୃତ୍ୟୁବରଣ କରିଥିବା ଲୋକଙ୍କ ଚିତା ଜଳୁଥିବା ସମୟରେ ଜଣେ ବ୍ୟକ୍ତି ଚାଲୁଥିବାର ଫଟୋ (କ୍ରେଡିଟ୍: ଦାନିଶ୍ ସିଦ୍ଦିକି / ରଏଟର୍ସ)
ତାଙ୍କର compelling ଫଟୋ ପାଇଁ ବ୍ୟାପକ ପ୍ରଶଂସା ହାସଲ କରିଥିବା ସିଦ୍ଦିକି ଥରେ କହିଥିଲେ ଯେ “ଯେତେବେଳେ ଏକ କାହାଣୀ ଆସାଇନମେଣ୍ଟରେ ବଦଳିଯାଏ,ତାହା ହେଉଛି ତାଙ୍କର ସବୁଠାରୁ ବଡ ଶିକ୍ଷା।”
![](https://www.satyapatha.com/wp-content/uploads/2021/07/1626437339207.jpg)
କରୋନାରେ ପୀଡିତ ରୋଗୀମାନେ ଏପ୍ରିଲ୍ ୨୩ ରେ ଦିଲ୍ଲୀର ଗୁରୁ ତେଗ ବାହାଦୁର ଡାକ୍ତରଖାନାର କାଜୁଆଲିଟି ୱାର୍ଡ ବାହାରେ ଭର୍ତ୍ତି ହେବାକୁ ଅପେକ୍ଷା କରିଛନ୍ତି (କ୍ରେଡିଟ୍: ଦାନିଶ୍ ସିଦ୍ଦିକି / ରଏଟର୍ସ)
ସିଦ୍ଦିକିଙ୍କ ମୃତ୍ୟୁରେ ସୋସିଆଲ ମିଡିଆରେ ତାଙ୍କୁ ଅନେକ ମନେପକାଇ ଶ୍ରଦ୍ଧାଞ୍ଜଳି ଜଣାଇଥିଲେ। ତାଙ୍କର ଫଟୋକୁ ଲୋକେ ଏବେବି ମନେପକାଉଛନ୍ତି।
![](https://www.satyapatha.com/wp-content/uploads/2021/07/1626431620650-1024x694.jpg)
![](https://www.satyapatha.com/wp-content/uploads/2021/07/IMG_20210716_160031.png)
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୧ ଦିନିଆ ତାଲାବନ୍ଦ ଘୋଷଣା କରିବା ପରେ ଦିଲ୍ଲୀର ଜଣେ ପ୍ରବାସୀ ଶ୍ରମିକ ଘରକୁ ଯାଉଛନ୍ତି (କ୍ରେଡିଟ୍: ଦାନିଶ୍ ସିଦ୍ଦିକି / ରଏଟର୍ସ)
ଭାରତ ସ୍ଥିତ ଆଫଗାନିସ୍ତାନର ରାଷ୍ଟ୍ରଦୂତ ଫରିଦ ମାମୁଣ୍ଡଜାଇ ଟ୍ୱିଟ୍ କରି କହିଛନ୍ତି, “ଗତକାଲି ରାତିରେ କାନ୍ଦାହାରରେ ଜଣେ ବନ୍ଧୁ ଦାନିଶ ସିଦ୍ଦିକିଙ୍କ ହତ୍ୟା ଖବର ଅତ୍ୟନ୍ତ ଦୁଃଖିତ ହୋଇପଡିଥିଲି । ଭାରତୀୟ ସାମ୍ବାଦିକ ତଥା ପୁଲିତଜର ପୁରସ୍କାର ବିଜେତା ଆଫଗାନିସ୍ତାନ ସୁରକ୍ଷା ବାହିନୀ ସହିତ ଜଡିତ ହୋଇଥିଲେ। କାବୁଲ ଯିବାର ୨ ସପ୍ତାହ ପୂର୍ବରୁ ମୁଁ ତାଙ୍କୁ ଭେଟିଥିଲି। ତାଙ୍କ ପରିବାର ଏବଂ ରଏଟର୍ସକୁ ସମବେଦନା। ”
ତାଙ୍କ ମୃତ୍ୟୁ ସାମ୍ବାଦିକତା ପାଇଁ ବିପୁଳ କ୍ଷତି ବୋଲି ସାମ୍ବାଦିକ ମନୀଷା ପାଣ୍ଡେ କହିଛନ୍ତି। “ଭାରତରେ ବିରୋଧ, ଦିଲ୍ଲୀ ଦଙ୍ଗା, ଦ୍ୱିତୀୟ ତରଙ୍ଗ ଉପରେ କିଛି ପ୍ରତୀକାତ୍ମକ କାର୍ଯ୍ୟ। ତାଙ୍କ ସମୟର ଏକ ଉଲ୍ଲେଖନୀୟ ଇତିହାସକାର, ଦିନିସ୍ ସିଦ୍ଦିକିଙ୍କ କାର୍ଯ୍ୟ ପିଢି ପିଢି ପାଇଁ ପ୍ରେରଣା । ତାଙ୍କ ପରିବାର, ବନ୍ଧୁ ଏବଂ ସହକର୍ମୀଙ୍କୁ ଗଭୀର ସମବେଦନା। ” ମୁମ୍ବାଇ ପ୍ରେସ୍ କ୍ଲବ୍ ମଧ୍ୟ ଟୁଇଟ୍ କରି ଶ୍ରଦ୍ଧାଞ୍ଜଳି ଜଣାଇଛନ୍ତି।