(ସତ୍ୟପାଠ ବ୍ୟୁରୋ) ଭୁବନେଶ୍ୱର: ପାକିସ୍ତାନ ନିଜର ଭାରତ ବିରୋଧୀ ହରକତ କରିବାରେ ବେଶ ମାହିର । ଏନେଇ ଭାରତ ଠାରୁ ବାରମ୍ବାର ପ୍ରତି ଉତ୍ତର ପାଉଥିଲେ ମଧ୍ୟ ନିଜ ହରକତ ଅହରି ପାରୁନାହିଁ । ଏପରିକି ଭାରତ ବିରୋଧୀ ଗୋଟିଏ ପରେ ଗୋଟିଏ ଷଡଯନ୍ତ୍ର କରି ଚାଲୁଛି । ଇତିମଧ୍ୟରେ ପଞ୍ଜାବର ଅମୃତସର ଠାରେ ପାକିସ୍ତାନ ଡ୍ରୋନ ମାଧ୍ୟମରେ ଅସ୍ତ୍ରଶସ୍ତ୍ର ପଠାଇଥିବାର ଖବର ସାମ୍ନାକୁ ଆସିଛି । ତେବେ ଗ୍ରାମବାସୀଙ୍କ ସତର୍କତା ପରେ ପଞ୍ଜାବ ପୋଲିସ ଏହାକୁ ଉଦ୍ଧାର କରିଛି। ସାତୋଟି ବ୍ୟାଗରେ ପାକିସ୍ତାନ ଆଇଡି, ହ୍ୟାଣ୍ଡ ଗ୍ରେନେଡ ଏବଂ ଗୁଳି ରହିଥିଲା । ମିଳିଥିବା ସୂଚନା ଅନୁସାରେ ପଞ୍ଜାବ ପୋଲିସ ଏହି ଅସ୍ତ୍ରଶସ୍ତ୍ର ଉଦ୍ଧାର କରି ପାକିସ୍ତାନର ଯୋଜନାକୁ ଖଣ୍ଡନ କରିଛି। ଏନେଇ ପଞ୍ଜାବର ମହାନିର୍ଦ୍ଦେଶକ ପୋଲିସ ଦିନକର ଗୁପ୍ତା ମଧ୍ୟ ପ୍ରତିକ୍ରିୟା ରଖିଛନ୍ତି ।
ତେବେ ଅଗଷ୍ଟ ୭ ଓ ୮ ତାରିଖରେ ଅମୃତସର ନିକଟ ଏକ ଗ୍ରାମରୁ ଡ୍ରୋନ୍ ଦେଖାଯାଇଥିବାର ସୂଚନା ମିଳିଥିଲା । ଏହା ସହ ଲୋକମାନେ କିଛି ଖସିବାର ଶବ୍ଦ ମଧ୍ୟ ଶୁଣିଥିଲେ । ଏହା ପରେ ଗ୍ରାମବାସୀ ସ୍ଥାନୀୟ ପୁଲିସକୁ ଏ ବାବଦରେ ସୂଚନା ଦେଇଥିଲେ । ଏହା ପରେ ପୁଲିସ ଘଟଣାର ଯାଞ୍ଚ କରିବା ସମୟରେ ବିସ୍ପୋରକ ସାମଗ୍ରୀ ତଥା ଆଇଡି, ଟିଫିନ ବୋମା, ପାଞ୍ଚିଟି ହ୍ୟାଣ୍ଡ ଗ୍ରେନେଡ ଓ ୧୦୦ରୁ ଅଧିକ ଗୁଳି ଜବତ କରିଥିଲା । ଏହି ସୂଚନା ଜାତୀୟ ଗୁପ୍ତଚର ସଂସ୍ଥାକୁ ମଧ୍ୟ ପଠାଯାଇଛି। ଏହା ସହିତ ଆଖପାଖ ଅଞ୍ଚଳରେ ସର୍ଚ୍ଚ ଅପରେସନ୍ ମଧ୍ୟ କରାଯାଉଛି ବୋଲି ପଞ୍ଜାବର ମହାନିର୍ଦ୍ଦେଶକ ପୋଲିସ ଦିନକର ଗୁପ୍ତା କହିଛନ୍ତି । ଏହା ସହ ପୁଲିସ ଏଥିପ୍ରତି କ ବହୁତ ସତର୍କ ଅଟେ ଏବଂ ଆମେ ଯାହା ସୂଚନା ପାଇବୁ ତାହା ସଂପୃକ୍ତ ଏଜେନ୍ସିମାନଙ୍କ ସହ ବାଣ୍ଟିବୁ ବୋଲି ଗଣମାଧ୍ୟ ନିକଟରେ ପଞ୍ଜାବ ଡିଜିପି ସ୍ପଷ୍ଟ କରିଥିଲେ । ଅପରିପକ୍ଷରେ ସ୍ୱାଧୀନତା ଦିବସ ପୂର୍ବରୁ ପାକିସ୍ତାନ ପଞ୍ଜାବ, ଜାମ୍ମୁ କାଶ୍ମୀର ସୀମାରେ ନିଜର କାର୍ଯ୍ୟକଳାପ ବୃଦ୍ଧି କରିଛି । କ୍ରମାଗତ ଭାବରେ ସେହି ଡ୍ରୋନକୁ ଭାରତୀୟ ସୀମାକୁ ପଠାଉଛି । ଏହାପୂର୍ବରୁ ମଧ୍ୟ ପାକିସ୍ତାନ ପଞ୍ଜାବର ଅମୃତସରର ଡ୍ରୋନରୁ ଅସ୍ତ୍ରଶସ୍ତ୍ର ପକାଇଥିବାର ଘଟଣା ସାମ୍ନାକୁ ଆସିଥିଲା ।
କେବଳ ଏତିକି ନୁହେଁ ବରଂ କିଛି ଦିନ ପୂର୍ବରୁ ମେତଲା ପୋଷ୍ଟରେ ମଧ୍ୟ ଡ୍ରୋନ ଦେଖାଯାଇଥିଲା । ପଞ୍ଜାବର ଡେରା ବାବା ନାନକଙ୍କ ଭାରତ-ପାକିସ୍ଥାନ ସୀମାରେ ଅବସ୍ଥିତ ମେଟଲା ପୋଷ୍ଟ ନିକଟରେ ଏକ ପାକିସ୍ତାନୀ ଡ୍ରୋନ୍ ଭାରତୀୟ ସୀମାରେ ପ୍ରବେଶ କରିଥିଲା। ସୀମାରେ ନିୟୋଜିତ ସୀମା ସୁରକ୍ଷା ବଳ (ବିଏସ୍ଏଫ୍) କର୍ମଚାରୀ ଡ୍ରୋନ୍ ଦେଖିବା ମାତ୍ରେ ଡ୍ରୋନ୍ ଉପରେ ଗୁଳି ଚଳାଇବା ଆରମ୍ଭ କରିଥିଲେ। ପ୍ରାୟ ଛଅ-ସାତ ସେକେଣ୍ଡ ଧରି ଭାରତ ସୀମାରେ ବୁଲିବା ପରେ ଡ୍ରୋନ୍ ପାକିସ୍ତାନକୁ ଫେରିଯାଇଥିଲା । ସେହିପରି ନିକଟରେ ସୁରକ୍ଷା ବାହିନୀ ଜାମ୍ମୁ କାଶ୍ମୀରର ସାମ୍ବା ଜିଲ୍ଲାରେ ପାକିସ୍ତାନ ଦ୍ୱାରା ଡ୍ରୋନ୍ ସାହାଯ୍ୟରେ ପଠାଯାଇଥିବା ଅସ୍ତ୍ରଶସ୍ତ୍ରକୁ ଉଦ୍ଧାର କରାଯାଇଥିଲା । ଏଥିରେ ଆଇଡି, ଦୁଇଟି ପିସ୍ତଲ, ପାଞ୍ଚଟି ପତ୍ରିକା, ୧୨୨ ବୁଲେଟ୍ ଏବଂ ସାଇଲେନ୍ସର ସହିତ ଏକ ପାଇପ୍ ରହିଥିଲା ।
ଏହା ସହ ପୁଞ୍ଚର ଖକ୍ଟଉ ଅଞ୍ଚଳରୁ ଦୁଇଟି ବେତାର ସେଟ୍, ଦୁଇଟି ଚାର୍ଜର, ଟର୍ଚ୍ଚ ଏବଂ ଆଡାପ୍ଟର ଉଦ୍ଧାର କରାଯାଇଛି। କିଛି ଦିନ ପୂର୍ବରୁ ଉକ୍ତ ଅଞ୍ଚଳରୁ ଏକ ଲ୍ୟାଣ୍ଡମାଇନ୍ ମଧ୍ୟ ମିଳିଥିଲା। ଅନ୍ୟପଟେ ସ୍ୱାଧୀନତା ଦିବସ ପୂର୍ବରୁ ପାକିସ୍ତାନ ବାରମ୍ବାର ଅସ୍ତ୍ରଶସ୍ତ୍ର ପଠାଇ ଭାରତକୁ ପଠାଇ ଦେଶରେ ଅଶାନ୍ତିର ବାତାବରଣ ଖେଳାଇବାକୁ ଯୋଜନା କରୁଛି । କିନ୍ତୁ ପାକିସ୍ତାନର ଷଡଯନ୍ତ୍ରକୁ ଭାରତୀୟ ସେନା ବିଫଳ କରିଦେଉଛନ୍ତି ।
