(ସତ୍ୟପାଠ ବ୍ୟୁରେ) ଭୁବନେଶ୍ୱର : ଝଡ଼ଖଣ୍ଡର ଗଠବନ୍ଧନ ସରକାର ବିରୋଧରେ କଥିତ ଷଡଯନ୍ତ୍ର ଅଭିଯୋଗରେ ତିନି ଜଣଙ୍କୁ ଗିରଫ କରାଯାଇଛି। ଏହାର ଗୋଟିଏ ଦିନ ପରେ କଂଗ୍ରେସ ବିଧାୟକ ଦାବି କରିଛନ୍ତି ଯେ ଜେଏମଏମ-କଂଗ୍ରେସ-ଆରଜେଡି ସରକାରକୁ ହଟାଇବା ପାଇଁ କିଛି ଅଜ୍ଞାତ ବ୍ୟକ୍ତି ତାଙ୍କ ନିକଟକୁ ଏକାଧିକ ଥର ଆସି ୧ କୋଟି ଟଙ୍କା ଏବଂ ମନ୍ତ୍ରୀ ପଦ ଅଫର କରିଥିଲେ।
ଝାଡ଼ଖଣ୍ଡର କୋଲେବିରା ବିଧାୟକ ନମାନ ବିକ୍ସାଲ କଙ୍ଗାରି ଇଣ୍ଡିଆନ ଏକ୍ସପ୍ରେସକୁ କହିଛନ୍ତି ଯେ ତିନିଜଣ ଲୋକ ପ୍ରାୟ ଅଧା ଡଜନ ଲୋକ ତାଙ୍କ ନିକଟକୁ ଆସିଥିଲେ।
ସେ କହିଛନ୍ତି, “ମୋର ଦଳୀୟ କର୍ମୀଙ୍କ ମାଧ୍ୟମରେ ତିନିଜଣ ଲୋକ ମୋ ପାଖକୁ ଆସିଥିଲେ , ସେମାନେ କିଛି କମ୍ପାନୀରେ କାମ କରନ୍ତି ବୋଲି କହିଥିଲେ। ମୁଁ ସେମାନଙ୍କୁ ଯିବାକୁ କହିଥିବା ସତ୍ତ୍ୱେ, ସେମାନେ ପୁଣିଥରେ ଫେରିବା ପାଇଁ ଏକ ଉପାୟ ଖୋଜୁଥିଲେ। ଥରେ, ସେମାନେ ମୋତେ ଏକ କୋଟିରୁ ଅଧିକ ଟଙ୍କା ଅଫର ଦେଇଥିଲେ। ମୁଁ ତୁରନ୍ତ CLP [କଂଗ୍ରେସ ବିଧାନସଭା ପାର୍ଟି] ନେତା ଆଲାମଗିର ଆଲାମ ଏବଂ କଂଗ୍ରେସ ଝାଡଖଣ୍ଡର ଦାୟିତ୍ୱରେ ଥିବା ଆର ପି ଏନ ସିଂଙ୍କୁ ଜଣାଇଲି। ମୁଁ ଏହା ବିଷୟରେ ମୁଖ୍ୟମନ୍ତ୍ରୀ ହେମନ୍ତ ସୋରେନ ଜୀଙ୍କୁ ମଧ୍ୟ ସୂଚନା ଦେଇଥିଲି ବୋଲି ବିଧାୟକ କହିଛନ୍ତି।”
ତେବେ ଆର ପି ଏନ ସିଂ ଏ ସମ୍ପର୍କରେ ପ୍ରତିକ୍ରିୟା ଦେବା ପାଇଁ ମନା କରିଦେଇଛନ୍ତି । ମୁଖ୍ୟମନ୍ତ୍ରୀ ସୋରେନ ମଧ୍ୟ ଏପର୍ଯ୍ୟନ୍ତ ଏହି ପ୍ରସଙ୍ଗରେ ନୀରବ ଅଛନ୍ତି।
କଙ୍ଗାରି ଆହୁରି ମଧ୍ୟ ଦାବି କରିଛନ୍ତି ଯେ, “ସେମାନେ ମୋ ପାଖକୁ ଆସିଥିଲେ ଟଙ୍କା ବ୍ୟତୀତ ମନ୍ତ୍ରୀ ପଦ ଏବଂ ସଂଖ୍ୟାଲଘୁ ତଥା ଆଦିବାସୀ ବ୍ୟାପାର ସହ ଜଡିତ ଆମର ସମସ୍ତ ଏଜେଣ୍ଡା ପାଇଁ ସମର୍ଥନ ଦେବାକୁ କହିଥିଲେ। ସେମାନେ ବିଜେପି ପାଇଁ ଏହି କାମ କରୁଛନ୍ତି ବୋଲି କହିଥିଲେ । ତେବେ ବିଜେପିର କୌଣସି କର୍ମୀ ମୋ ପାଖକୁ ଆସି ନାହାଁନ୍ତି। ”
ବିଧାୟକ କହିଛନ୍ତି ଯେ ଗିରଫ ହୋଇଥିବା ତିନିଜଣ ତାଙ୍କ ନିକଟକୁ ଆସିଥିବା ସମାନ ବ୍ୟକ୍ତି କି ନାହିଁ ସେ ନିଶ୍ଚିତ କରିପାରିବେ ନାହିଁ। ସେ କହିଛନ୍ତି ଯେ ସେମାନଙ୍କ ଚେହେରା ତାଙ୍କର ମନେ ନାହିଁ।
କଂଗ୍ରେସର ବରମୋ ବିଧାୟକ କୁମାର ଜୟମଙ୍ଗଲଙ୍କ ଅଭିଯୋଗ ଅନୁଯାୟୀ ରାଞ୍ଚିର କୋଟୱାଲୀ ପୋଲିସ ଷ୍ଟେସନରେ ପୋଲିସ ମାମଲା ରୁଜୁ କରିବାର ଦୁଇ ଦିନ ପରେ ଅଭିଷେକ ଦୁବେ, ଅମିତ ସିଂ ଏବଂ ନିୱରନ୍ ପ୍ରସାଦ ମହାଟୋଙ୍କୁ ଶନିବାର ଗିରଫ କରିଥିଲା।
ଆଇପିସିର ଧାରା 419 (ଅପରାଧିକ ଷଡଯନ୍ତ୍ରର ପକ୍ଷ), 420 (ପ୍ରତାରଣା), 124 ଏ (ଦେଶଦ୍ରୋହ), 120 ବି (ଅପରାଧିକ ଷଡଯନ୍ତ୍ର) ଏବଂ ଦୁର୍ନୀତି ନିବାରଣ ଆଇନ ଅନୁଯାୟୀ ଏହି ମାମଲା ରୁଜୁ ହୋଇଛି।
ଅଭିଯୁକ୍ତ ନିୱରନ୍ ପ୍ରସାଦ ମହାତ୍ମାଙ୍କ ଫେସବୁକ୍ ପେଜ୍ ରେ ବିଜେପିର ଧନବାଦ୍ ସାଂସଦ ପାଶୁପତି ନାଥ ଏବଂ କିଛି ସ୍ଥାନୀୟ ନେତାଙ୍କ ସହ ତାଙ୍କର ଫଟୋ ଦେଖିବାକୁ ମିଳିଛି । ଯେତେବେଳେ ମହୋତୋ ଦଳ ସହ ଜଡିତ ଅଛନ୍ତି କି ବୋଲି ପଚରାଯିବାରୁ ଝାଡଖଣ୍ଡ ବିଜେପି ମୁଖପାତ୍ର ପ୍ରତୁଲ ଶାହଦେଓ କହିଛନ୍ତି ଯେ ମୋ ପାଖରେ ଥିବା ସୂଚନା ଅନୁଯାୟୀ ସେ ବିଜେପି ସଦସ୍ୟ ନୁହଁନ୍ତି।
ଶାହାଦେଓ ସିବିଆଇ ତଦନ୍ତ ଦାବି କରୁଥିବାବେଳେ ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ବାବୁଲାଲ ମାରାଣ୍ଡି ପୋଲିସକୁ ଏକ ସାମ୍ବାଦିକ ସମ୍ମିଳନୀ କରିବା ସହ ଏହି ମାମଲା ସହ ଜଡିତ ସମସ୍ତ ତଥ୍ୟ ପ୍ରକାଶ କରିବାକୁ ଦାବି କରିଛନ୍ତି। ପୋଲିସ ଏପର୍ଯ୍ୟନ୍ତ ଏହି ମାମଲାରେ କୌଣସି ସ୍ପଷ୍ଟ ସୂଚନା ଦେଇ ନଥିବା ବେଳେ କେବଳ ଏକ ପ୍ରେସ ବିଜ୍ଞପ୍ତି ପ୍ରକାଶ କରିଛି ଯେ ଏହି ତିନି ଅଭିଯୁକ୍ତ ସ୍ବୀକାର କରିଛନ୍ତି ଯେ ସେମାନେ ସରକାରଙ୍କ ବିରୁଦ୍ଧରେ ଷଡ଼ଯନ୍ତ୍ରରେ ସଂପୃକ୍ତ ଥିଲେ ଏବଂ ଅସ୍ଥିର କରିବାକୁ ଯୋଜନା କରୁଥିଲେ ।
