ଭୁବନେଶ୍ୱର,୬/୧(ସତ୍ୟପାଠ ବ୍ୟୁରୋ): ମେଘାଳୟ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ତୃଣମୂଳ କଂଗ୍ରେସ । ପ୍ରଥମ ପର୍ଯ୍ୟାୟରେ ୫୨ ପ୍ରାର୍ଥୀଙ୍କ ସୂଚୀ ପ୍ରକାଶ କରିଛନ୍ତି ମମତା ବାନାର୍ଜୀ । ଏନେଇ ଅଲ୍ ଇଣ୍ଡିଆ ତୃଣମୂଳ କଂଗ୍ରେସ ମେଘାଳୟ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି।
ସୂଚନା ଅନୁସାରେ, ଚଳିତ ବର୍ଷ ୬୦ ଆସନ ବିଶିଷ୍ଟ ମେଘାଳୟରେ ବିଧାନସଭା ନିର୍ବାଚନ ହେବ ।ନିର୍ବାଚନ ତାରିଖ ଘୋଷଣା ହେବା ପୂର୍ବରୁ ପ୍ରମୁଖ ରାଜନୈତିକ ଦଳମାନେ ଗଡ଼ ଜିତିବାକୁ କସରତ ଆରମ୍ଭ କରିଦେଲେଣି । ବିଜେପି, କଂଗ୍ରେସ ଓ ଟିଏମସି ନିଜ ନିଜ ପ୍ରସ୍ତୁତି ଆରମ୍ଭ କରିଦେଇଛନ୍ତି । ବିଧାନସଭା ନିର୍ବାଚନ ପାଇଁ ତୃଣମୂଳ କଂଗ୍ରେସ ନିଜର ପ୍ରାର୍ଥୀ ତାଲିକା ଘୋଷଣା କରିଛି । ପ୍ରଥମ ପର୍ଯ୍ୟାୟରେ ୫୨ଜଣ ପ୍ରାର୍ଥୀଙ୍କ ନାଁ ପ୍ରକାଶ ପାଇଛି । ନିର୍ବାଚନ ପାଇଁ ଅଧିକ ସମୟ ରହିଥିବାରୁ ମେଘାଳୟରେ ଟିଏମସି ଆଶାଜନକ ଆସନ ହାସଲ କରିବ ବୋଲି ମେଘାଳୟ ଟିଏମସି ପକ୍ଷରୁ କୁହାଯାଇଛି ।
