![](https://www.satyapatha.com/wp-content/uploads/2022/04/asc-6.jpg)
ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଞ୍ଜାବରେ କଂଗ୍ରେସର ଶୋଚନୀୟ ପରାଜୟ ପରେ ଦଳ ପୁଣିଥରେ ରାଜ୍ୟରେ ନିଜକୁ ଶକ୍ତିଶାଳି କରିବା ଲକ୍ଷ୍ୟରେ ରହିଛି । ଏନେଇ ଦଳ ନୂତନ ପିସିସିଙ୍କୁ ନିଯୁକ୍ତ କରିବା ଠାରୁ ଏପରି ଅନେକ କାର୍ଯ୍ୟ କରିବାରେ ଲାଗିଛି । ଏହା ମଧ୍ୟରେ ପଞ୍ଜାବ ୟୁନିଟରେ ପାଞ୍ଚଜଣ ନୂତନ ଉପାଧ୍ୟକ୍ଷ, କୋଷାଧ୍ୟକ୍ଷ ତଥା ସାଧାରଣ ସମ୍ପାଦକଙ୍କୁ ଦଳ ନିଯୁକ୍ତ କରିଛି। ଦଳର ଏକ ସରକାରୀ ବିବୃତ୍ତିରେ କୁହାଯାଇଛି ଯେ, କୋଷାଧ୍ୟକ୍ଷ, ଦଳର ସୁପ୍ରିମୋ ଏବଂ ସାଧାରଣ ସଚିବ ନିଯୁକ୍ତି ପ୍ରସ୍ତାବକୁ ଅନୁମୋଦନ କରିଛନ୍ତି।
ସେପଟେ ଅମିତ ବିଜୟ ପିପିସିସିର କୋଷାଧ୍ୟକ୍ଷ ଭାବରେ ନିଯୁକ୍ତ ହୋଇଥିବାବେଳେ ଅରୁଣା ଚୌଧୁରୀ, ଇନ୍ଦରବୀର ସିଂ ବୋଲାରିଆ, କୁଶଲଦୀପ ସିଂ କିକି ଧିଲୋନ, ପରଗତ ସିଂ, ସୁନ୍ଦର ଶ୍ୟାମ ଆରୋରାଙ୍କୁ ଉପସଭାପତି ଭାବରେ ନିଯୁକ୍ତ କରାଯାଇଛି। ଦଳର ପଞ୍ଜାବ ୟୁନିଟର ସାଧାରଣ ସମ୍ପାଦକ ଭାବରେ ସନ୍ଦୀପ ସିଂ ସାନ୍ଧୁଙ୍କୁ ନିଯୁକ୍ତ କରାଯାଇଛି। ନିକଟରେ ହୋଇଥିବା ବିଧାନସଭା ନିର୍ବାଚନରେ ଦଳ ହାରିବା ପରେ ଅମରିନ୍ଦର ସିଂ ୱାରିଙ୍ଗ ପଞ୍ଜାବ କଂଗ୍ରେସର ନୂତନ ସଭାପତି ଭାବରେ ନିଯୁକ୍ତ ହୋଇଥିଲେ। ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।