(ସତ୍ୟପାଠ ବ୍ୟୁରୋ) ଭୁବନେଶ୍ୱର: ଆସନ୍ତା ଉତ୍ତରପ୍ରଦେଶ ନିର୍ବାଚନ ପାଇଁ ଦିନକୁ ଦିନ ନୂଆ ନୂଆ ରୋଚକ ତଥ୍ୟ ସାମ୍ନାକୁ ଆସୁଛି । ତେବେ ଅବସର ନେଇଥିବା ଉତ୍ତରପ୍ରଦେଶର ପୂର୍ବତନ କ୍ୟାଡର ଆଇପିଏସ୍ ଅଧିକାରୀ ଅମିତାଭ ଠାକୁର ଆସନ୍ତା ବର୍ଷ ଯୋଗୀ ଆଦିତ୍ୟନାଥଙ୍କ ବିରୋଧରେ ରାଜ୍ୟସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ବୋଲି ତାଙ୍କ ପରିବାର ଘୋଷଣା କରିଛନ୍ତି। ଏ ଖବର ସାମ୍ନାକୁ ଆସିବା ପରେ ଏନେଇ ଚର୍ଚ୍ଚା ଜୋର ଧରିଛି । ଏନେଇ ଲକ୍ଷ୍ନୌରେ ହେଉଥିବା ଏକ ପ୍ରେସମିଟରେ ଅମିତାଭ ଠାକୁରଙ୍କ ପତ୍ନୀ ନଟାନ ସ୍ପଷ୍ଟ କରିଛନ୍ତି । କେବଳ ଏତିକି ନୁହେଁ ବରଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ଆରୋପ ମଧ୍ୟ ଲଗାଇଛନ୍ତି । ସେ କହିଛନ୍ତି ଶ୍ରୀ ଆଦିତ୍ୟନାଥ ମୁଖ୍ୟମନ୍ତ୍ରୀ ଥିବା ସମୟରେ ଅନେକ ଅଗଣତାନ୍ତ୍ରିକ, ଅନୁପଯୁକ୍ତ, ଦମନକାରୀ, ନିର୍ଯ୍ୟାତନା ତଥା ଭେଦଭାବମୂଳକ ପଦକ୍ଷେପ ନେଇଥିଲେ। ତେଣୁ ଅମିତାଭ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ବିରୋଧରେ ଯେକୌଣସି ସ୍ଥାନରୁ ପ୍ରତିନ୍ଦ୍ୱତିତା କରିବେ ବୋଲି କହିଛନ୍ତି ।
ଅପରିପକ୍ଷରେ କେନ୍ଦ୍ର ଗୃହ ମନ୍ତ୍ରଣାଳୟ ଦ୍ୱାରା ନିଆଯାଇଥିବା ନିଷ୍ପତ୍ତି ପରେ ଶ୍ରୀ ଠାକୁରଙ୍କୁ ମାର୍ଚ୍ଚ ୨୩ ରେ “ଜନସାଧାରଣଙ୍କ ସ୍ୱାର୍ଥ” ରେ ବାଧ୍ୟତାମୂଳକ ଅବସର ଦିଆଯାଇଥିଲା। ଅନ୍ୟପଟେ ଅମିତାଭ ଠାକୁର ୨୦୨୮ ମସିହାରେ ତାଙ୍କର ସେବା ସମାପ୍ତ କରିଥାନ୍ତେ । କିନ୍ତୁ ସେ ତାଙ୍କ ସେବାର ଅବଶିଷ୍ଟ କାର୍ଯ୍ୟକାଳ ପାଇଁ ରଖାଯିବା ଉଚିତ୍ ନୁହେଁ ବୋଲି କେନ୍ଦ୍ର ଗୃହ ମନ୍ତ୍ରଣାଳୟର ନିର୍ଦ୍ଦେଶ ଦେଇଥିଲା । ଏହି ଆଦେଶରେ କୁହାଯାଇଛି ଯେ ଜନସାଧାରଣଙ୍କ ସ୍ୱାର୍ଥରେ ଅମିତାଭ ଠାକୁରଙ୍କୁ ତୁରନ୍ତ ସେବା ସମାପ୍ତ ହେବା ପୂର୍ବରୁ ତାଙ୍କୁ ଅକାଳ ଅବସର ଦିଆଯାଉଛି। ତେବେ ୨୦୧୭ ରେ ଅମିତାଭ ଠାକୁର ତାଙ୍କ କ୍ୟାଡର ସ୍ଥିତିକୁ ପରିବର୍ତ୍ତନ କରିବାକୁ କେନ୍ଦ୍ରକୁ ଅନୁରୋଧ କରିଥିଲେ।
ମିଳିଥିବା ସୂଚନା ଅନୁସାରେ ସମାଜବାଦୀ ପାର୍ଟିର ମୁଲାୟମ ସିଂହ ଯାଦବଙ୍କୁ ଧମକ ଦେଇଥିବା ଅଭିଯୋଗ ହେବାର କିଛି ଦିନ ପରେ ଏହି ଅଧିକାରୀଙ୍କୁ ଜୁଲାଇ ୧୩, ୨୦୧୫ ରେ ନିଲମ୍ବିତ କରାଯାଇଥିଲା। ଏହା ସହ ତାଙ୍କ ବିରୋଧରେ ଭିଜିଲାନ୍ସ ତଦନ୍ତ ମଧ୍ୟ ଆରମ୍ଭ କରାଯାଇଥିଲା। ହେଲେ କେନ୍ଦ୍ରୀୟ ପ୍ରଶାସନିକ ଟ୍ରିବ୍ୟୁନାଲର ଲକ୍ଷ୍ନୌ ବେଞ୍ଚ ଏପ୍ରିଲ ୨୦୧୬ ମସିହାରେ ତାଙ୍କର ନିଲମ୍ବନ ଉପରେ ରୋକ ଲଗାଇଦେଇଥିଲେ । ଏବଂ ୧୧ ଅକ୍ଟୋବର ୨୦୧୫ ମସିହା ଠାରୁ ସମ୍ପୂର୍ଣ୍ଣ ଦରମା ସହିତ ପୁନଃସ୍ଥାପିତ କରିବାକୁ ନିର୍ଦ୍ଦେଶ ଦେଇଥିଲେ ।
