ଭୁବନେଶ୍ୱର (ସତ୍ୟପାଠ ବ୍ୟୁରୋ): ପାଲେଷ୍ଟାଇନ-ଇସ୍ରାଏଲ ଯୁଦ୍ଧ ଭିତରେ ସହାୟତା ପଠାଇଛି ଭାରତ । ଇସ୍ରାଏଲର ଆକ୍ରମଣ ଯୋଗୁ ପାଲେଷ୍ଟାଇନର ଗାଜା ଷ୍ଟ୍ରିପରେ ଲକ୍ଷ ଲକ୍ଷ ଲୋକ ଘର ଛାଡିଛନ୍ତି । ଲୋକେ ଖାଇବାକୁ ପାଉନଥିବା ବେଳେ ମେଡିକାଲ ସହାୟତା ମଧ୍ୟ ମିଳି ପାରୁନାହିଁ । ଏପରି ସ୍ଥିତିରେ ମାନବିକତା ଦୃଷ୍ଟି କୋଣରୁ ଭାରତ ରିଲିଫ ସାମଗ୍ରୀ ସହ ମେଡିକାଲ ସହାୟତା ପଠାଇଛି ।
ଆଜି ଉତ୍ତରପ୍ରଦେଶର ଗାଜିଆବାଦ ହିଣ୍ଡନ ଏୟାର ବେସରୁ ବାୟୁସେନାର ବିମାନ ଆଇଏଫ-ସି-୧୭ ରିଲିଫ ସାମ୍ରଗୀ ନେଇ ଇଜିପ୍ଟ ଅଭିମୁଖେ ଯାତ୍ରା କରିଛି । ମୋଟ ୬ ଦଶମିକ ୫ ଟନରେ ଔଷଧପତ୍ର ସହ ୩୨ ଟନର ରିଲିଫ ସାମଗ୍ରୀ ପଠାଇଛି ଭାରତ । ଇଜିପ୍ଟରେ ପହଞ୍ଚିବ ପରେ ସେଠାରୁ ସଡକ ପଥରେ ଗାଜା ପଠାଯିବ ।
