![](https://www.satyapatha.com/wp-content/uploads/2022/09/mohan-bhagwat-94311669-716x537.jpg)
ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ଆରଏସଏସ ମୁଖ୍ୟ ମୋହନ ଭାଗଓ୍ବତ କହିଛନ୍ତି ଯେ ବିକାଶ ପାଇଁ ଭାରତକୁ ଅନ୍ୟ କୌଣସି ଦେଶର ନକଲ କରିବା ପରିବର୍ତ୍ତେ ଭାରତ ଭଳି ରହିବାକୁ ପଡ଼ିବ। ଭାରତ ନିଜ ଉପରେ ବିଶ୍ୱାସ କରିବା ଉଚିତ । ଯଦି ଆମେ ଚାଇନା, ରୁଷିଆ, ଆମେରିକା ଭଳି ହେବାକୁ ଚେଷ୍ଟା କରିବା ତା’ହେଲେ ସେମାନଙ୍କୁ ଅନୁକରଣ କରିବାକୁ ପଡ଼ିବ। କିନ୍ତୁ ତାହା ଦ୍ୱାରା ଭାରତର ବିକାଶ ହେବ ନାହିଁ।ଭାରତର ଇତିହାସ, ଏହାର ଧନ ଏବଂ ଯୁଦ୍ଧ ଗୌରବକୁ କ୍ରମାଗତ ଭାବରେ ଭୁଲ ଭାବରେ ଉପସ୍ଥାପନ କରୁଥିବା ଲୋକଙ୍କୁ ବିଶ୍ୱାସ କରିବା ଏକ ଭୁଲ ଥିଲା। ବିକାଶର ଦୀର୍ଘମିଆଦି ଲକ୍ଷ୍ୟ ହାସଲ କରିବା ପାଇଁ ଭୌଗୋଳିକ ଜ୍ଞାନ ଏବଂ ଇତିହାସ ଉପରେ ଗର୍ବ କରିବା ଜରୁରୀ।
ସୋମବାର ମହାଭାରତ ସହିତ ସଂଯୋଗ( କନେକଶନ ଓ୍ବିଥ୍ ଦ ମହାଭାରତ) ପୁସ୍ତକର ଉନ୍ମୋଚନ ଅବସରରେ ଭାଗଓ୍ବତ ଏହା କହିଛନ୍ତି। ସେ କହିଛନ୍ତି ଯେ, କିଛି ଲୋକ ଆମ ଦେଶ, ଆମର ଇତିହାସ ଭୁଲିଯିବାକୁ ଚେଷ୍ଟା କରିଥିଲେ। ସେମାନେ ଆମକୁ କହୁଥିଲେ ଯେ ଆମ ଇତିହାସରେ କିଛି ନାହିଁ। ସେମାନେ ଆମର ଶାସ୍ତ୍ରଗୁଡ଼ିକୁ ଭୁଲ ଭାବେ ଉପସ୍ଥାପନ କରୁଥିଲେ । ସେହି ଲୋକମାନେ ନିଜର ସ୍ବାର୍ଥ ପୂରଣ ପାଇଁ ଏପରି କଥା କହୁଥିଲେ ବୋଲି ସେ କହିଛନ୍ତି । ଭାଗବତ ଆହୁରି କହିଛନ୍ତି ଯେ, ଆମର ଦେଶର ଗାଡି ବର୍ତ୍ତମାନ ବିକାଶ ଆଡକୁ ମୁହାଁଇଛି ଏବଂ ଆମେ ସେ ଆଡକୁ ଯାଉଛୁ। ଏଥିପାଇଁ ଆମକୁ ଏକ ଲମ୍ବା ଲକ୍ଷ୍ୟ ଧାର୍ଯ୍ୟ କରିବାକୁ ପଡିବ ଏବଂ ଏହା ଉପରେ ଆଗକୁ ବଢ଼ିବାକୁ ପଡିବ।