ଭୁବନେଶ୍ୱର(ସତ୍ୟପାଠ ବ୍ୟୁରୋ): ବିଦେଶ ଗସ୍ତରେ ଥିବା ରାହୁଲ ଗାନ୍ଧୀ ବ୍ରିଟେନର ଲେବର ପାର୍ଟିର ନେତା ଜେରେମି କର୍ବିନଙ୍କୁ ଭେଟିଛନ୍ତି । ସେପଟେ ଏହି ବୈଠକକୁ ନେଇ ବିଜେପି ଏବଂ କଂଗ୍ରେସ ମଧ୍ୟରେ ବୟାନବାଜି ଆରମ୍ଭ ହୋଇଯାଇଛି । ତେବେ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ବିଜେପି କହିଛି ଯେ ଜଣେ ବ୍ୟକ୍ତି କିପରି ନିଜ ଦେଶ ବିରୁଦ୍ଧରେ ଯାଇପାରିବ ଏହା ହେଉଛି ଏକ ଉଦାହରଣ। ଏଥିସହିତ ଚଳଚ୍ଚିତ୍ର ନିର୍ମାତା ଅଶୋକ ପଣ୍ଡିତ ମଧ୍ୟ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଥିବାର ଦେଖିବାକୁ ମିଳିଛି ।
କେବଳ ଏତିକି ନୁହେଁ ବରଂ ରାହୁଲ ଗାନ୍ଧୀ, ସୌମ ପିତ୍ରେଡା ଏବଂ ବ୍ରିଟେନର ପୂର୍ବତନ ସାଂସଦ ଜେରେମି କର୍ବିନଙ୍କ ମଧ୍ୟରେ ହୋଇଥିବା ସଭାର ଫଟୋ ଉପରେ ଅଶୋକ ପଣ୍ଡିତ ଲେଖିଛନ୍ତି ଯେ ‘ଭଗବାନଙ୍କୁ ଧନ୍ୟବାଦ ଅଜମଲ କାସାବଙ୍କୁ ହତ୍ୟା କରାଯାଇଛି, ନଚେତ୍ ଆମେ ତାଙ୍କ ସହ ଚିତ୍ର ମଧ୍ୟ ଦେଖିଥାନ୍ତୁ। ସାମ୍ ପିଟ୍ରୋଡାଙ୍କ କାର୍ୟ୍ୟକଳାପ ଉପରେ ମଧ୍ୟ ଏକ ଅନୁସନ୍ଧାନ ହେବା ଉଚିତ୍ । ଯିଏ ଆମ ଦେଶ ଭାଙ୍ଗିବାକୁ ବାହାରିଛି, ରାହୁଲ ଗାନ୍ଧୀ ସେମାନଙ୍କୁ ଆଲିଙ୍ଗନ କରୁଛନ୍ତି । ଏହା ଅତ୍ୟନ୍ତ ଦୁଃଖଦାୟକ ବୋଲି କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
