ଭୁବନେଶ୍ୱର(ସତ୍ୟପାଠ ବ୍ୟୁରୋ): ଚଳିତଥର ବିଧାନସଭା ନିର୍ବଚାନରେ ପଞ୍ଜାବରେ କଂଗ୍ରେସକୁ ମାତ ଦେଇ ଆମ ଆଦମି ପାର୍ଟି ସରକାର ଗଠନ କରିବାକୁ ଯାଉଛି । ପଞ୍ଜାବକୁ କଂଗ୍ରେସ ଗଡ଼ କୁହାଯାଉଥିବା ସତ୍ତ୍ୱେ ଆପ ସେଠାରେ ବାଜି ମାରିଛି । ଯାହା ସାରା ଦେଶରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏହା ମଧ୍ୟରେ ଆମ ଆଦମି ପାର୍ଟି ଗୁଜୁରାଟ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରୁଥିବାର ଦେଖିବାକୁ ମିଳିଛି ।
ସେପଟେ ପଞ୍ଜାବରେ ଆପର ଐତିହାସିକ ବିଜୟ ପରେ ଫୋକସରେ ବର୍ତ୍ତମାନ ଗୁଜୁରାଟ ରହିଛି । ତେବେ ଆପ ଚଳିତ ବର୍ଷ ଏପ୍ରିଲରେ ଗୁଜରାଟରେ ତ୍ରିରଙ୍ଗା ଯାତ୍ରା ଆରମ୍ଭ କରିବ । ଗୁଜରାଟର ସମସ୍ତ ଜିଲ୍ଲାର ସବୁ ତହସିଲ ଏବଂ ଗ୍ରାମ ପଞ୍ଚାୟତରେ ଏହି ଯାତ୍ରା କରାଯିବ । ଏନେଇ ଆପର ମୁଖ୍ୟ ଅରବିନ୍ଦ କେଜ୍ରିୱାଲ ଏବଂ ତାଙ୍କ ଦଳର ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ ଖୁବଶୀଘ୍ର ଗୁଜୁରାଟ ଗସ୍ତ କରିବେ ବୋଲି ଜଣାପଡ଼ିଛି ।
