ଭୁବନେଶ୍ୱର,୧୨/୧(ସତ୍ୟପାଠ ବ୍ୟୁରୋ): ବହୁଚର୍ଚ୍ଚିତ ଅର୍ଚ୍ଚନା ନାଗ ମାମଲାରେ ଶ୍ରଦ୍ଧାଞ୍ଜଳି ବେହେରାଙ୍କୁ ହାଜର ହେବା ପାଇଁ କୋର୍ଟରୁ ସମନ । ଆସନ୍ତା ୨୪ ତାରିଖରେ ବ୍ୟକ୍ତିଗତ ଭାବେ ହାଜର ହେବାକୁ ଜିଲ୍ଲା ଓ ଦୌରା ଜଜ୍ କୋର୍ଟଙ୍କ ପକ୍ଷରୁ ସମନ ଜାରି ହୋଇଛି । ୨୪ ତାରିଖ ଦିନ ଅର୍ଚ୍ଚନା, ଜଗବନ୍ଧୁ, ଖଗେଶ୍ୱର ବି ଭିଡିଓ କନ୍ଫରେନ୍ସିଂ ଜରିଆରେ ହାଜର ହେବେ ।
ଖବର ଅନୁଯାୟୀ, ବ୍ଲାକମେଲିଂ ଅଭିଯୋଗରେ ଗିରଫ ହୋଇ ଜେଲ୍ରେ ଅଛନ୍ତି ଅର୍ଚ୍ଚନା । ଏହାବ୍ୟତୀତ ଅର୍ଚ୍ଚନାଙ୍କ ଜଗବନ୍ଧୁ ଓ ବିଜ୍ନେସ୍ ପାର୍ଟନର ଖଗେଶ୍ୱର ବି ଗିରଫ ହୋଇ ଜେଲ୍ରେ ଅଛନ୍ତି । ଇଡି ତିନି ଜଣଙ୍କୁ ରିମାଣ୍ଡରେ ନେଇ ଜେରା କରିବା ସହ ସେମାନଙ୍କ ବିରୋଧରେ ଚାର୍ଜସିଟ୍ ଦାଖଲ କରିଛି । ଆଉ ଏବେ ୨୪ ତାରିଖ ଦିନ ତିନି ଜଣ ପୁଣି ଥରେ କୋର୍ଟରେ ହାଜର ହୋଇପାରନ୍ତି । ଭିଡିଓ କନ୍ଫରେନ୍ସ ଜରିଆରେ ସମସ୍ତଙ୍କୁ ହାଜର ହେବା ପାଇଁ ନିର୍ଦ୍ଦେଶ ରହିଛି ।
ସେପଟେ ଅର୍ଚ୍ଚନାଙ୍କ ସହଯୋଗୀ ଶ୍ରଦ୍ଧାଞ୍ଜଳୀଙ୍କୁ ବି ନୋଟିସ କରିଛନ୍ତି କୋର୍ଟ । ଆସନ୍ତା ୨୪ ତାରିଖ ଦିନ ବ୍ୟକ୍ତିଗତ ଭାବେ ହାଜର ହେବାକୁ ଜିଲ୍ଲା ଓ ଦୌରା ଜଜ୍ କୋର୍ଟ ଶ୍ରଦ୍ଧାଞ୍ଜଳୀଙ୍କୁ ସମନ୍ କରିଛନ୍ତି ।
