(ସତ୍ୟପାଠ ବ୍ୟୁରୋ)ଭୁବନେଶ୍ୱର: ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଜଣେ ସଂକ୍ରମିତ ଫ୍ୟାନ ବଦଳାଇବାକୁ ଡାକ୍ତରଖାନା କତ୍ତୃପକ୍ଷଙ୍କୁ ଅନୁରୋଧ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ବ୍ୟକ୍ତି ଜଣଙ୍କ କରୋନା ଭାଇରସକୁ ଭୟ କରିବା ଅପେକ୍ଷା ଛାତ ଉପରେ ବୁଲୁଥିବା ଫ୍ୟାନ ତାଙ୍କୁ ଡରାଉଛି ବୋଲି କହିଛନ୍ତି । ଏହି ୨ ମିନିଟ ୧୭ ସେକେଣ୍ଡ ଭିଡିଓରେ ବ୍ୟକ୍ତି ଜଣକ ଅସ୍ଥିର ଭାବରେ ବୁଲୁଥିବା ଫ୍ୟାନକୁ ଦେଖାଇଛନ୍ତି । ଏହା କେତେବେଳେ ବି ଖସିଯାଇପାରେ ବୋଲି କହିଛନ୍ତି । ଏହି ଭିଡିଓଟି ସୋସିଆଲ ମିଡିଆରେ ପୋଷ୍ଟ ହେବା ପରେ ଏହା ଖୁବଶୀଘ୍ର ଭାଇରାଲ ହେବାରେ ଲାଗିଛି । ଅନ୍ୟପଟେ ବାରମ୍ବାର ହସ୍ପିଟାଲ କତ୍ତୃପକ୍ଷଙ୍କୁ ଅନୁରୋଧ କରିବା ସତ୍ତେ କୌଣସି କାର୍ଯ୍ୟାନୁଷ୍ଠାପ ନେଉ ନାହାଁନ୍ତି ବୋଲି ବ୍ୟକ୍ତି ଜଣଙ୍କ କହିଛନ୍ତି ।
