ଭୁବନେଶ୍ୱର: ରାଜ୍ୟରେ ଥମୁନି ଧଳାଜହର କାରବାର । ବେଧଡକ ଭାବେ ଧଳାଜହର କାରବାର କରୁଛନ୍ତି ମାଫିଆ । ତେବେ ଏସ୍ଟିଏଫ୍ କୁ ମିଳିଛି ସଫଳତା। ଧଳା ଜହର ବ୍ୟାପାର କରୁଥିବା ନେଇ ଶେଖ୍ ମେଜୁ ନାମକ ବ୍ୟକ୍ତିଙ୍କୁ ଗିରଫ କରାଯାଇଛି । ଏନେଇ ଏସ୍ଟିଏପ୍ ଡିଆଇଜି ଜୟ ନାରାୟଣ ପଙ୍କଜ ସୂଚନା ଦେଇଛନ୍ତି ।
ତାଙ୍କ ନିକଟରୁ ଜବତ ହୋଇଛି କୋଟିଏରୁ ଅଧିକ ଟଙ୍କାର ବ୍ରାଉନ୍ସୁଗାର ଜବତ ।
ସେ ଆହୁରୀ ମଧ୍ୟ କହିଛନ୍ତି ଯେ, ବ୍ରାଉନ୍ସୁଗାର କାରବାର ନେଇ ଏସ୍ଟିଏଫ୍କୁ ଗୁଇନ୍ଦା ସୂଚନା ମିଳିଥିଲା । ଏହିକ୍ରମରେ ବାଲେଶ୍ୱର ସହଦେବଖୁଣ୍ଟା ଅରଡବଜାରରେ ଚଢାଉ କରିଥିଲା ଏସ୍ଟିଏଫ୍ । ତେବେ ଏହି ଚଢାଉରେ ବ୍ରାଉନ୍ସୁଗାର କାରବାର୍ ଅଭିଯୋଗରେ ଶେଖ୍ ମେଜୁ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଥିଲା । ତା ନିକଟରୁ ୧ କେଜି ୫୦ ଗ୍ରାମର ବ୍ରାଉନ୍ସୁଗାର ଜବତ ହୋଇଛି । ଯାହାର ଆନୁମାନିକ ମୂଲ୍ୟ ୧ କୋଟିରୁ ଅଧିକ ହେବ ବୋଲି ଜଣାପଡିଛି । ଏହାସହ ଶେକ୍ ମେଜୁ ନିକଟରୁ ନଗଦ ୨୮ ହଜାର ୧୦୦ ଟଙ୍କା ଜବତ ହୋଇଛି ।
