ପାଟନା: ବାହାଘରକୁ ନେଇ ସମସ୍ତଙ୍କର କିଛି ନ କିଛି ଇଛା ଥାଏ | ନିଜ ବାହାଘରକୁ ସ୍ମରଣୀୟ କରିବା ପାଇଁ ସମସ୍ତେ କିଛି ସ୍ବପ୍ନ ଦେଖିଥାନ୍ତି | ତେବେ କିଛି ସ୍ବପ୍ନ ଅଧୁରା ମଧ୍ୟ ରହିଯାଏ | ତେବେ ବାପାର ଏହି ଅଧୁରା ସ୍ବପ୍ନ କୁ ପୂରଣ କରିଛନ୍ତି ପୁଅ ଓ ଝିଅ | ବାପାକୁ ବର ଭେସରେ ସଜାଇ ମାକୁ ଆଣିଛନ୍ତି |
ବିହାରର ସାରଣ ଜିଲ୍ଲାରେ ଘଟିଛି ଏହି ଘଟଣା | ଯାହା ଏବେ ବେଶ ଚର୍ଚାରେ ରହିଛି |
ବର ସାଜିଲେ ୭୦ ବର୍ଷୀୟ ବୃଦ୍ଧ। ରାଜା ବେଶରେ ଶ୍ୱଶୁର ଘରକୁ ଗଲେ ରାଜକୁମାର। ବିବାହ ୪୨ ବର୍ଷ ପରେ ସ୍ତ୍ରୀକୁ ସାଙ୍ଗରେ ଆଣିବାକୁ ବରଯାତ୍ରୀ ନେଇ ପହଞ୍ଚିଲେ। ଘୋଡା ଗାଡିରେ ବସି ବ୍ୟାଣ୍ଡ ବାଜା, ବାଣ ରୋଷଣି କରି ସାଙ୍ଗରେ ୮ ପୁଅ ଝିଅଙ୍କୁ ବି ନେଇକି ଗଲେ। ଏଭଳି ଏକ ନିଆରା ବିବାହର ଚିତ୍ର ସାମ୍ନାକୁ ଆସିଛି ବହାରରୁ। ୧୯୮୦ ମେ’ ୫ ତାରିଖ। ଶାରଦା ଦେବୀଙ୍କ ସହ ବିବାହ କରିଥିଲେ ରାଜକୁମାର ସିଂହ। ବିବାହ ପରେ କିନ୍ତୁ କନିଆଁଙ୍କ ବିଦାୟୀ ହୋଇନଥିଲା। ତାଙ୍କର କେହି ଶାଶୁଶଶ୍ୱଶୂର ନଥିବାରୁ ଏହି କନ୍ୟାବିଦା ପରମ୍ପରା ଠିକ୍ ଭାବେ ପାଳନ ହୋଇନଥିଲା। ସେ ସମୟରେ ତାଙ୍କ ଶଳା ମଧ୍ୟ ଖୁବ୍ ସାନ ଥିଲେ। ଏବେ ତାଙ୍କ ଶଳା ବଡ଼ ହୋଇଯିବା ପରେ ବୃଦ୍ଧ ଜଣକ ତାଙ୍କର ସେହି ଅଧୁରା ରୀତିକୁ ପୂରା କରିବାକୁ ଏପରି ଚିନ୍ତା କରିଥିଲେ। ତାଙ୍କର ଏହି ସ୍ୱପ୍ନକୁ ପୂରା କରିବାକୁ ତାଙ୍କ ପିଲାମାନେ ମଧ୍ୟ ତାଙ୍କ ସାଥ୍ ଦେଇଛନ୍ତି।
ବିବାହର ୪୨ ବର୍ଷ ପରେ ନିଜ ପତ୍ନୀଙ୍କୁ ରୀତି ମୁତାବକ ଘରକୁ ଆଣିବା ପାଇଁ ସାଙ୍ଗରେ ବ୍ୟାଣ୍ଡ ବାଜା ବାରିତି ନେଇ ବାହାରିଛନ୍ତି ୭୦ ବର୍ଷୀୟ ବର। ଏହି ରୀତି ପୂରା କରିବାକୁ ରାଜକୁମାର ତାଙ୍କ ପତ୍ନୀ ଶାରଦା ଦେବୀଙ୍କୁ ୨୦୨୨ ଏପ୍ରିଲ୍ ୧୫ ତାରିଖରେ ତାଙ୍କ ବାପଘରକୁ ପଠାଇ ଦେଇଥିଲେ। ମେ ୫ ତାରିଖ, ଅର୍ଥାତ ତାଙ୍କ ବିବାହ ବାର୍ଷିକୀରେ ସେ ପୁଣି ଥରେ ବର ବେଶରେ ବେଶ୍ ଧୁମ୍ଧାମ୍ରେ ନିଜ ପତ୍ନୀଙ୍କୁ ଆଣିବାକୁ ଶ୍ୱଶୁର ଘରକୁ ଯାଇଥିଲେ।
୭୦ ବର୍ଷୀୟ ରାଜକୁମାରଙ୍କ ରୀତି ମୁତାବକ ଶୂଶ୍ୱର ଘରକୁ ସ୍ୱାଗତ କରାଯିବା ସହ ତାଙ୍କୁ ଯୌତୁକ ମଧ୍ୟ ମିଳିଛି। ସେ ନିଜ ପତ୍ନୀଙ୍କୁ ଆଣିବା ସହ ସାଙ୍ଗରେ ଯୌତୁକରେ ଏକ ବୁଲେଟ୍ ମଧ୍ୟ ପାଇଛନ୍ତି। କେବଳ ସେତିକି ନୁହେଁ ହୀରା ମୁଦି ଓ ଶାରଦା ଦେବୀଙ୍କୁ ଅନେକ ସୁନା ଅଳଙ୍କାର ଦେଇ ବିଦା କରିଛନ୍ତି ତାଙ୍କ ଭାଇ। ସୋଶାଲ ମିଡିଆରେ ଏବେ ଏହି ନିଆରା ବିବାହର ଭିଡିଓ ଆଉ ଫଟୋ ଭାଇରାଲ ହେବାରେ ଲାଗିଛି।
ପରିଣତ ବୟସରେ ରାଜକୁମାର ଓ ଶାରଦା ବର କନିଆଁ ବେଶ୍ ଖୁସି ହୋଇଛନ୍ତି। ସେପଟେ ତାଙ୍କ ୭ ଝିଅ ଓ ପୁଅ ମଧ୍ୟ ବାପା ବାହାଘରରେ ସାମିଲ ହୋଇଥିବା ଯୋଗୁଁ ନିଜକୁ ଧନ୍ୟମାନେ କରିଛନ୍ତି।
ସୂଚନାଯୋଗ୍ୟ, ରାଜକୁମାର ୭ ଜଣ ଝିଅ ବିହାର ପୁଲିସ, ସେନା ଓ କେନ୍ଦ୍ରୀୟ ପୁଲିସ ଫୋର୍ସରେ କାର୍ଯ୍ୟରତ ଅଛନ୍ତି |
ଏହି ବାହାଘରକୁ ନେଇ ଏବେ ଚାରିଆଡେ ଚର୍ଚା |
