ଭୁବନେଶ୍ୱର(ସତ୍ୟପାଠ ବ୍ୟୁରୋ): ନୀଳଗିରି ବଜାର ଉପରେ ପୋଲିସକୁ ପିଟିବାକୁ ଗୋଡ଼ାଇଲେ ଯୁବକ । ଏଥି ସହିତ ବିଡ଼ିଓଙ୍କ ଗାଡି ଓ ପୋଲିସ ଗାଡି ବି ଭଙ୍ଗାରୁଜା କଲେ ଯୁବକ । ଆଜି ଅପରାହ୍ନରେ କାହାଳିଆ ଅଞ୍ଚଳର ବିରାପଣ୍ଡା ନାମକ ଯୁବକ ନୀଳଗିରି ସହର ଦୁର୍ଗାମଣ୍ଡପ ଠାରେ ମଦ ପିଇ ଲୋକଙ୍କୁ ଗାଳିଗୁଲଜ କରୁଥିଲେ । ଉକ୍ତ ସମୟରେ ବିଡ଼ିଓଙ୍କ ଗାଡି ବିଡ଼ିଓଙ୍କୁ ବସାରେ ଛାଡି ଫେରୁଥିବା ବେଳେ ଅଟକାଇ ଭଙ୍ଗାରୁଜା କରିଥିଲେ । ପରେ ନୀଳଗିରି ପୋଲିସ ଘଟଣାସ୍ଥଳରେ ପହଞ୍ଚିଥିଲା ।
ଘଟଣାକୁ ପୋଲିସ ଅଟକାଇବେ କଣ ବରଂ ଯୁବକ ଜଣଙ୍କ ପୋଲିସକୁ ପିଟିବାକୁ ଗୋଡାଇଥିଲେ । ପରେ ପୋଲିସ ଗାଡିବି ଭଙ୍ଗାରୁଜା କରିଛନ୍ତି । ଯୁବକ ଜଣଙ୍କୁ ସ୍ଥାନୀୟ ଲୋକେ ବେଶ ଉତ୍ତମ ମଧ୍ୟମ ଦେଇଥିବା ଜଣାପଡିଛି । ଦୁଇ ପୋଲିସ କର୍ମଚାରୀ ସାମାନ୍ୟ ଆହତ ହୋଇଛନ୍ତି । ଯୁବକଙ୍କୁ ସ୍ଥାନୀୟ ଲୋକେ ଓ ପୋଲିସ ମେଡିକାଲରେ ଭର୍ତ୍ତି କରିଛନ୍ତି । ଏ ଘଟଣା ସାମ୍ନାକୁ ଆସିବା ପରେ ସାରା ରାଜ୍ୟରେ ଏନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
