ଭୁବନେଶ୍ୱର(ସତ୍ୟପାଠ ବ୍ୟୁରୋ): ଭୟଙ୍କର ଆର୍ଥିକ ସଙ୍କଟ ମଧ୍ୟରେ ଶ୍ରୀଲଙ୍କାରେ ଗତି କରୁଛି । ଏହା ମଧ୍ୟରେ ବିରୋଧୀ ଦଳର ଦାବି ଉପରେ ରାଷ୍ଟ୍ରପତି ଗୋତବାୟା ରାଜପକ୍ଷେ ଇସ୍ତଫା ଦେବାକୁ ମନା କରି ଦେଇଛନ୍ତି। ସେ କହିଛନ୍ତି ଯେ ସଂସଦରେ ୧୧୩ ସଦସ୍ୟଙ୍କ ସଂଖ୍ୟାଗରିଷ୍ଠତା ଥିବା ପ୍ରମାଣ କରୁଥିବା କୌଣସି ଦଳକୁ ସେ କ୍ଷମତା ହସ୍ତାନ୍ତର କରିବାକୁ ପ୍ରସ୍ତୁତ ଅଛନ୍ତି। ଏହି ସମୟରେ ନବନିଯୁକ୍ତ ଅର୍ଥମନ୍ତ୍ରୀ ଅଲି ସାବରି ଇସ୍ତଫା ଦେଇଛନ୍ତି। ଅନ୍ୟପଟେ ଶ୍ରୀଲଙ୍କାର ବିରୋଧୀ ଦଳ ରାଷ୍ଟ୍ରପତିଙ୍କ ଇସ୍ତଫା ଦାବି କରିଛନ୍ତି । ଯାହ ରାଜପକ୍ଷେ ପ୍ରତ୍ୟାଖ୍ୟାନ କରିଛନ୍ତି। ଦେଶର ରାଜନୈତିକ ଦଳ ମଧ୍ୟରେ ତିକ୍ତତା ବଢ଼ିବାରେ ଲାଗିଛି । ବିରୋଧୀ ଦଳ ମଧ୍ୟ ରାଷ୍ଟ୍ରପତି ରାଜପକ୍ସାଙ୍କ ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି ଯେଉଁଥିରେ ସେ ବିରୋଧୀଙ୍କୁ ଏକତା କ୍ୟାବିନେଟରେ ଯୋଗଦେବାକୁ ଅନୁରୋଧ କରିଛନ୍ତି। ସେପଟେ ଶ୍ରୀଲଙ୍କାରେ ଏକ ଭୟଙ୍କର ଅର୍ଥନୈତିକ ସଙ୍କଟ ମଧ୍ୟରେ ଲୋକମାନେ ବର୍ତ୍ତମାନ ଶାସକ ରାଜପକ୍ଷେଙ୍କ ପରିବାର ଉପରେ ଅସନ୍ତୋଷ ଦେଖାଉଛନ୍ତି । ଦରଦାମ ବୃଦ୍ଧି ଫଳରେ ଲୋକମାନେ କହୁଛନ୍ତି ଯେ ଗୋଟିଏ ପରିବାର ଠାରୁ ଦେଶକୁ ବରବାଦ ହେବା ଠାରୁ ରକ୍ଷା କରନ୍ତୁ ।
ଆମ ଦେଶକୁ ବିକ୍ରି କରିବା ବନ୍ଦ କର । ଶ୍ରୀଲଙ୍କାର ଅଧିକାଂଶ ଗୁରୁତ୍ୱପୂର୍ଣ୍ଣ ପଦଗୁଡିକ ରାଜପକ୍ଷେ ପରିବାର ଦ୍ୱାରା ଦଖଲ କରାଯାଇଛି । ମିଳିଥିବା ସୂଚନା ଅନୁଯାୟୀ ରାଷ୍ଟ୍ରପତି ରାଜପକ୍ଷେ କିଛି ଦିନ ପୂର୍ବରୁ ରାଜନୈତିକ ବୈଠକ କରିଛନ୍ତି । ଯେତେବେଳେ ଦେଶରେ ଅତ୍ୟାବଶ୍ୟକ ଦ୍ରବ୍ୟର ଅଭାବ ଏବଂ ବିଦ୍ୟୁତ କାଟ ବିରୋଧରେ ଜନ ବିରୋଧ ପ୍ରଦର୍ଶନ ଜାରି ରହିଛି। ଜନ ବିରୋଧ ପରେ ସଂସଦ ଆଜି ପ୍ରଥମ ଥର ପାଇଁ ବୈଠକ କରିବାକୁ ଯାଉଛି। ୨୨୫ ସଦସ୍ୟ ବିଶିଷ୍ଟ ଗୃହରେ ସଂଖ୍ୟାଗରିଷ୍ଠତା ପ୍ରମାଣ କରିବା ପାଇଁ ଭୋଟ କରିବେ । ଏବଂ ସଦନରେ କେଉଁ ଦଳ ପାଖରେ ୧୧୩ ଜଣ ଅଛନ୍ତି ତାହା ଜଣାପଡ଼ିବ ବୋଲି ସୂଚନା ମିଳିଛି । ସେପଟେ ଦେଶର ଭୟଙ୍କର ଅର୍ଥନୈତିକ ସଙ୍କଟ ମଧ୍ୟରେ ରବିବାର ଦିନ ଶ୍ରୀଲଙ୍କା ସରକାରଙ୍କ ୨୬ କ୍ୟାବିନେଟ ମନ୍ତ୍ରୀ ଏକତ୍ରିତ ହୋଇ ସେମାନଙ୍କ ପଦରୁ ଇସ୍ତଫା ଦେଇଛନ୍ତି। ରାଷ୍ଟ୍ରପତି ରାଜପକ୍ସା ବିରୋଧୀ ଦଳମାନଙ୍କୁ କ୍ୟାବିନେଟରେ ଯୋଗଦେବାକୁ ଏବଂ ଏହି ସଙ୍କଟର ମୁକାବିଲା ପାଇଁ ଏକ ସର୍ବଦଳୀୟ ସରକାର ଗଠନ କରିବାକୁ ଆମନ୍ତ୍ରଣ କରିଛନ୍ତି, କିନ୍ତୁ ବିରୋଧୀ ଏହା ପାଇଁ ପ୍ରସ୍ତୁତ ନୁହଁନ୍ତି। ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
