ଭୁବନେଶ୍ୱର(ସତ୍ୟପାଠ ବ୍ୟୁରୋ): ବିଧାନସଭା ନିର୍ବାଚନ ପରେ କଂଗ୍ରେସ ଦଳକୁ ପୁଣି ଆଉ ଏକ ବଡ଼ ଝଟକା ମିଳିଛି । ତେବେ କଂଗ୍ରେସ ନେତା ସିଏମ ଇବ୍ରାହିମ କଂଗ୍ରେସର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ସେପଟେ କଂଗ୍ରେସ ନେତା ତାଙ୍କ ଇସ୍ତଫା ପତ୍ରକୁ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଦେଇଛନ୍ତି । ସେ ତାଙ୍କ ଇସ୍ତଫା ପତ୍ରରେ ଲେଖିଛନ୍ତି ଯେ ମୁଁ ଗତ ୧୨ ବର୍ଷ ଧରି ଆପଣଙ୍କୁ ଅନେକ ଚିଠି ଲେଖିଛି । ଏଥିରେ ଦଳର ସକରାତ୍ମକ ଦିଗ ଅନେକ ଥର ଉଲ୍ଲେଖ କରାଯାଇଛି। ସେହି ସମୟରେ, ଅନେକ ଥର ମୁଁ ଆପଣଙ୍କ ସାମ୍ନାରେ ଦଳର ଅନେକ ଅଭିଯୋଗ ରଖିଛି । ଆପଣ ମଧ୍ୟ ଏହାର ଉତ୍ତର ଦେଇଛନ୍ତି ଏବଂ ଆବଶ୍ୟକ ପ୍ରତିକାର ବ୍ୟବସ୍ଥା ଗ୍ରହଣ କରିବାକୁ ନିଶ୍ଚିତ କରିଛନ୍ତି ।
ତଥାପି, ମୁଁ ବର୍ତ୍ତମାନ ପର୍ଯ୍ୟନ୍ତ କୌଣସି ପରିବର୍ତ୍ତନ ଦେଖୁନାହିଁ ବୋଲି ସିଏମ ଇବ୍ରାହିମ କହିଛନ୍ତି । ଅନ୍ୟପଟେ ଆସନ୍ତାକାଲି ଅପରାହ୍ନ ୪ ଟାରେ ଦିଲ୍ଲୀର ଏଆଇସିସି କାର୍ଯ୍ୟାଳୟରେ କଂଗ୍ରେସ ୱାର୍କିଂ କମିଟିର ଏକ ବୈଠକ ଅନୁଷ୍ଠିତ ହେବ ଏବଂ ୫ ଟି ରାଜ୍ୟରେ ନିର୍ବାଚନର ଅସୁବିଧା ଓ ବର୍ତ୍ତମାନର ରାଜନୈତିକ ପରିସ୍ଥିତି ଉପରେ ଆଲୋଚନା ହେବ । ସେପଟେ ଗୋଟିଏ ପରେ ଗୋଟିଏ ରାଜ୍ୟରୁ କଂଗ୍ରେସର ପତନ ଆରମ୍ଭ ହେଉଥିବାବେଳେ ଦଳୀୟ କର୍ମୀଙ୍କୁ ଏପରି ଇସ୍ତଫା ଦେବା ଦଳକୁ ଚିନ୍ତାରେ ପକାଇଛି ।
