କାୟା ମେଲାଉଛି ଓମିକ୍ରନ୍ । ଦେଶବାସୀଙ୍କ କରୁଛି ଆତଙ୍କିତ | ୨୧ ରାଜ୍ୟରେ କରୋନାର ନୂଆ ଭାରିଆଣ୍ଟ ଚିନ୍ତା ହେଲାଣି । ଫଳରେ ଦୈନିକ ଓମିକ୍ରନ୍ ସଂକ୍ରମିତଙ୍କ ସଂଖ୍ୟା ବଢ଼ି ଚାଲିଛି । ଗତ ୨୪ ଘଣ୍ଟାରେ ଆଉ ୭୫ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି | ଯାହାକୁ ମିଶାଇ ଦେଶରେ ଓମିକ୍ରନ୍ ସଂକ୍ରମିତଙ୍କ ସଂଖ୍ୟା ୬୫୩କୁ ବୃଦ୍ଧି ପାଇଛି । ଗତକାଲି ଏହି ସଂଖ୍ୟା ଥିଲା ୫୭୮ ।
ଗତକାଲି ଯାଏ ଦିଲ୍ଲୀରେ ସର୍ବାଧିକ ନୂଆ ଭାରିଆଣ୍ଟ କେସ୍ ଥିଲା । ଆଜି ଟପରେ ରହିଛି ମହାରାଷ୍ଟ୍ର । ବର୍ତ୍ତମାନ ସୁଦ୍ଧା ମହାରାଷ୍ଟ୍ରରୁ ୧୬୭ ପଜିଟିଭ୍ ଚିହ୍ନଟ ହୋଇଥିବା ବେଳେ ଦେଶର ରାଜଧାନୀରେ ଏହି ସଂଖ୍ୟା ୧୬୫ । ସେହିପରି କେରଳରେ ୫୭, ତେଲେଙ୍ଗାନାରେ ୫୫, ଗୁଜରାଟରେ ୪୯, ରାଜସ୍ଥାନରେ ୪୬, ତାମିଲନାଡୁରୁ ୩୪, କର୍ଣ୍ଣାଟକରୁ ୩୧ ଓମିକ୍ରନ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ୬୫୩ ସଂକ୍ରମିତଙ୍କ ଭିତରୁ ଏହାରି ଭିତରେ ସୁସ୍ଥ ହେଲେଣି ୧୮୬ ଜଣ ।
