(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଟ୍ୟୁସନରୁ ଫେରୁଥିବା ଏକ ଇଣ୍ଡିଗୋ କାରରେ ଜୋରଜବରଦସ୍ତ ଝିଅକୁ ଅପହରଣ କରିନେଲେ। ୯ ଦିନ ହେଲାଣି ଝିଅର ପତ୍ତା ମିଳୁନି । ଝିଅକୁ ଫେରାଇ ଆଣିବାକୁ ପରିବାର ଲୋକ ଏବେ ପୁଲିସ୍ ଶରଣରେ। ଯୁବତୀଙ୍କ ଅପହରଣର ଭିଡିଓ ସିସିଟିଭିରେ କଏଦ ହୋଇଛି। ଏମିତି ଏକ ଘଟଣା ଘଟିଛି ଭଦ୍ରକ ଜିଲ୍ଲା ଚାନ୍ଦବାଲି ଥାନା ମହୁଲିଆ ଛକ ନିକଟରେ।
ଅଭିଯୋଗ ଅନୁଯାୟୀ , ଗତ ୧୯ତାରିଖ ଦିନ ଝିଅ ସବୁଦିନ ପରି ସକାଳୁ ସକାଳୁ ଚାନ୍ଦବାଲିକୁ ଟ୍ୟୁସନ ଯାଇଥିଲେ। କିନ୍ତୁ ଟ୍ୟୁସନରୁ ଆଉ ଘରକୁ ଫେରିନଥିଲେ। ପରିବାର ଲୋକେ ଝିଅକୁ ନପାଇ ଟ୍ୟୁସନ ସାରଙ୍କ ସହ ଯୋଗାଯୋଗ କରିଥିଲେ। ଟ୍ୟୁସନ୍ ସାରେ କହିଥିଲେ ଯେ ଝିଅ ଏକ ଟାଟା ମ୍ୟାଜିକ୍ରେ ଘରକୁ ଯାଇଥିଲା।
ତେବେ ଘରେ ନପହଞ୍ଚିଥିବାରୁ ପରିବାର ଲୋକେ ବହୁ ଖୋଜାଖୋଜି କରି ଥିଲେ। କିନ୍ତୁ ପାଇନଥିଲେ। ପରିବାର ଲୋକଙ୍କ ଅଭିଯୋଗ ଅନୁଯାୟୀ, ପୂର୍ବରୁ ମତୋ ପରମାନନ୍ଦପୁର ଗାଁର ପୃଥିରାଜ କରଣ ଝିଅକୁ ବିଭିନ୍ନ ସମୟରେ ହଇରାଣ କରୁଥିଲା। ସେ ହିଁ ଝିଅକୁ ଅପହରଣ କରିଛି ବୋଲି ପରିବାର ଲୋକ ପୁଲିସ୍ ନିକଟରେ ଅଭିଯୋଗ କରିଥିଲେ।
ଅନ୍ୟ ପକ୍ଷରେ ପୋଲିସ୍ କହିଛି ଝିଅର ମାଙ୍କ ଏତଲା ଅନୁଯାୟୀ ନିଖୋଜ ମାମଲା ରୁଜ୍ଜୁ କରି ପୋଲିସ ତଦନ୍ତ ଆରମ୍ଭ କରିଛି। ସିସିଟିଭି ଫୁଟେଜ ଏବେ ହସ୍ତଗତ ହୋଇଛି। ଝିଅକୁ ଉଦ୍ଧାର ପରେ ଘଟଣା ସମ୍ପର୍କରେ ସ୍ପଷ୍ଟ ଜଣାପଡିବ।
