(ସତ୍ୟପାଠ ବ୍ୟୁରୋ) ଭୁବନେଶ୍ୱର: ରାଜସ୍ଥାନର ଅଜମେରରେ ଏକ ବଡ ସଡକ ଦୁର୍ଘଟଣା ଘଟିଛି । ତେବେ ଦୁଇଟି ଟ୍ରକ ମଧ୍ୟରେ ମୁହାଁ ମୁହିଁ ଧୋକା ହୋଇଥିଲା । ଏହି ଘଟଣାଟି ଏତେ ଶକ୍ତିଶାଳୀ ଥିଲା ଯେ ଘଟଣାସ୍ଥଳରେ ହିଁ ୪ଜଣ ଜୀବନ୍ତ ଜଳିଯାଇଥିଲେ । ଏଭଳି ଏକ ଛାତିଥରା ଘଟଣା ଘଟିଛି ରାଜସ୍ଥାନର ଅଜମେର-ବ୍ୟାବର ୮ ନମ୍ବର ଜାତୀୟ ରାଜପଥରେ । ଅପରିପକ୍ଷେ ଖବର ପାଇ ଘଟଣାସ୍ଥଳରେ ପହଁଞ୍ଚିଛି । ଏହା ପରେ ମୃତକଙ୍କ ମୃତଦେହକୁ ଜବାହରଲାଲ ନେହେରୁ ଡାକ୍ତରଖାନାର ଶବ ବ୍ୟବଚ୍ଛେଦ ଗୃହରେ ରଖାଯାଇଛି ବୋଲି ପୁଲିସ ପକ୍ଷରୁ ସୂଚନା ମିଳିଥିଲା । ମିଳିଥିବା ସୂଚନା ଅନୁସାରେ ଆଜି ସକାଳୁ ଜାତୀୟ ରାଜପଥ ଉପରେ ଦୁଇ ଟ୍ରକ୍ଙ୍କ ମଧ୍ୟରେ ମୁହାମୁହିଁ ଧକ୍କା ହୋଇଥିଲା। ଫଳରେ ଏଥିରେ ଅଗ୍ନିକାଣ୍ଡ ଘଟିଥିଲା। ନିଆଁ ଲାଗିବା ଯୋଗୁଁ ଉଭୟ ଟ୍ରକ୍ର ଡ୍ରାଇଭର ଓ କ୍ଲିନର ଜୀବନ୍ତ ଜଳି ଯାଇଥିଲେ ।
ମୃତକଙ୍କ ପରିଚୟ ଏପର୍ଯ୍ୟନ୍ତ ସ୍ଥିର ହୋଇନାହିଁ। ଏହି ସମୟରେ ଜଣେ ଟ୍ରେଲରରୁ ଡେଇଁପଡି ନିଜ ଜୀବନ ରକ୍ଷା କରିଥିଲା। ପୋଲିସର କହିବା ଅନୁସାରେ , ଏହି ଦୁର୍ଘଟଣା ସକାଳ ପ୍ରାୟ ୬ ଟା ସମୟରେ ଜାତୀୟ ରାଜପଥ ନମ୍ବରରେ ଘଟିଛି। ଟାଇଲ୍ସ ପାଉଡରରେ ପରିପୂର୍ଣ୍ଣ ଟ୍ରେଲର ଜୟପୁରରୁ ବେୱାରକୁ ଯାଉଥିଲା । ଏହି ସମୟରେ ଟ୍ରେଲର ନିୟନ୍ତ୍ରଣ ବାହାରକୁ ଆସିଥିଲା, ଯେଉଁ କାରଣରୁ ଏହା ବେୱାରରୁ ଜୟପୁର ଯାଉଥିବା ଅନ୍ୟ ଏକ ଟ୍ରେଲର ସହିତ ମୁହାଁମୁହିଁ ଧକ୍କା ହୋଇଥିଲା ।
ଦ୍ୱିତୀୟ ଟ୍ରେଲର ମାର୍ବଲରେ ପରିପୂର୍ଣ୍ଣ ଥିଲା । ମୁହାଁମୁହିଁ ଧକ୍କା ହେବା ମାତ୍ରେ ଉଭୟ ଟ୍ରେଲରରେ ନିଆଁ ଲାଗିଯାଇଥିଲା । ସୂଚନା ପାଇ ପୁଲିସ ଏବଂ ଦମକଳବାହିନୀ ଘଟଣାସ୍ଥଳରେ ପହଞ୍ଚିଥିଲା। ପ୍ରାୟ ଦୁଇ ଘଣ୍ଟାର ପରିଶ୍ରମ ପରେ ନିଆଁ ଆୟତ ହୋଇଥିଲା। ଏହା ପରେ ଜାତୀୟ ରାଜପଥ -୮ ରେ ଜାମ ହୋଇଥିଲା। ଏହି ଜାମ ପ୍ରାୟ ପାଞ୍ଚରୁ ଛଅ କିଲୋମିଟର ପର୍ଯ୍ୟନ୍ତ ଚାଲିଥିଲା ଯାହା ଦ୍ୱାରା ଲୋକମାନେ ଅସୁବିଧାର ସମ୍ମୁଖୀନ ହୋଇଥିଲେ ।
