(ସତ୍ୟପାଠ ବ୍ୟୁରୋ) ଭୁବନେଶ୍ବର : କରୋନା ମହାମାରୀରେ ପ୍ରତ୍ୟେକ ଦିନ ହଜାର ହଜାର ଲୋକଙ୍କ ମୃତ୍ୟୁ ଘଟୁଥିବା ବେଳେ ସହାନୁଭୂତି ଏବଂ ପ୍ରେମର ଭବିଷ୍ୟତ ପାଇଁ ଆଶାର କିରଣ ସୃଷ୍ଟି କରୁଛି । ଏବେ ସୋସିଆଲ ମିଡିଆରେ ଏକ ସ୍ପର୍ଶକାତର ଚିତ୍ର ଭାଇରାଲ ହେଉଛି। ଏହି ଫଟୋରେ ଜଣେ କାର୍ଯ୍ୟରତ ପୁଲିସ୍ କର୍ମଚାରୀ କୁକୁରକୁ ହ୍ୟାଣ୍ଡପମ୍ପରୁ ପାଣି ପିଇବାକୁ ସାହାଯ୍ୟ କରୁଥିବା ଦେଖିବାକୁ ମିଳିଛି। ଫଟୋଟି ମୂଳତଃ ଟ୍ୱିଟର ଆକାଉଣ୍ଟ୍ @policemedianews ଦ୍ୱାରା ସେୟାର କରାଯାଇଥିଲା ।
ଟୁଇଟ୍ ଅନୁଯାୟୀ ଏହି ଫଟୋଟି ବାରାଣାସୀ ସହରର ଅଟେ। ପରେ ଏହି ଭାଇରାଲ୍ ପୋଷ୍ଟକୁ ଆଇପିଏସ୍ ଅଧିକାରୀ ସୁକିର୍ତ୍ତୀ ମାଧବ ପୋଷ୍ଟ୍ କରିଥିଲେ। ୱେବ୍ ସିରିଜ୍ ପାତାଳ ଲୋକ ର ଏକ ସଂଳାପକୁ ଉଦ୍ଧୃତ କରି ଟ୍ୱିଟ୍ କରି କହିଛନ୍ତି, “ଯଦି ଜଣେ ବ୍ୟକ୍ତି କୁକୁରକୁ ଭଲ ପାଏ, ତେବେ ସେ ଜଣେ ଭଲ ମଣିଷ। ଯଦି କୁକୁରମାନେ ଜଣେ ପୁରୁଷକୁ ଭଲ ପାଆନ୍ତି, ତେବେ ସେ ଜଣେ ଭଲ ମଣିଷ! ଅବିଶ୍ୱାସନୀୟ ବନାରସ ..! ” ସେୟାର ହେବା ପରଠାରୁ ଏହି ପୋଷ୍ଟ କୁ 24,000 ରୁ ଅଧିକ ଲାଇକ୍ ମଳିସାରିଲାଣି। ବର୍ତ୍ତମାନ ଫଟୋଟି ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
