(ସତ୍ୟପାଠ ବ୍ୟୁରୋ) ହାଇଦ୍ରାବାଦ ଗଣଦୁଷ୍କର୍ମ ପରେ ହତ୍ୟା ମାମଲାରେ ତେଲଙ୍ଗାନା ପୋଲିସ 4 ଅଭିଯୁକ୍ତଙ୍କୁ ଏନ୍କାଉଣ୍ଟର କରି ନିହତ କରିବା ପରେ ପୋଲିସର କାର୍ଯ୍ୟଶୈଳୀ ଉପରେ ଉଠିଛି ପ୍ରଶ୍ନ । ତେଲଙ୍ଗାନା ପୋଲିସ ବିରୋଧରେ ମାମଲା ରୁଜୁ ହେବା ଆବଶ୍ୟକ ବୋଲି କହିଛନ୍ତି ସୁପ୍ରିମ କୋର୍ଟର ଆଇନଜୀବୀ ବୃନ୍ଦା ଗ୍ରୋବର । ଯେକୌଣସି ମାମଲା ହେଉନା କାହିଁକି ପୋଲିସ ଏନ୍କାଉଣ୍ଟର କରିବା ଉଚିତ ନୁହେଁ । ତେଣୁ ଏହି ମାମଲାର ନ୍ୟାୟିକ ତଦନ୍ତ ମଧ୍ୟ ଦାବି କରିଛନ୍ତି ବୃନ୍ଦା ।
ସେହିଭଳି ଜାତୀୟ ମହିଳା କମିସନ ଅଧ୍ୟକ୍ଷା ରେଖା ଶର୍ମା ବି ବୃନ୍ଦାଙ୍କ କଥାକୁ ଦୋହରାଇଛନ୍ତି । ସେ କହିଛନ୍ତି ମାମଲା ଯାହା ବି ହେଉନା କାହିଁକି ପୋଲିସ ଏନ୍କାଉଣ୍ଟର କରିବା ସମ୍ପୂର୍ଣ୍ଣ ଭୁଲ । ଏଭଳି ମାମଲାରେ ଆଇନ ଅନୁସାରେ ଅଭିଯୁକ୍ତ ବା ଦୋଷୀଙ୍କୁ ଫାଶୀ ଦଣ୍ଡ ଦିଆଯାଉ କିନ୍ତୁ ଏଭଳି ଏନ୍କାଉଣ୍ଟର କରାନଯିବା ଉଚିତ ବୋଲି ସେ କହିଛନ୍ତି । ଗଣଦୁଷ୍କର୍ମ ଭଳି ସମ୍ବାଦନଶୀଳ ମାମଲା ଖୁବ ଶୀଘ୍ର ତଦନ୍ତ କରାଯାଇ ଆଇନ ଅନୁସାରେ ଅଭିଯୁକ୍ତଙ୍କୁ ମୃତ୍ୟୁ ଦଣ୍ଡ ଦିଆଯାଉ । ଆଜି ଏନ୍କାଉଣ୍ଟର ନେଇ ଲୋକମାନେ ଖୁସି ହୋଇପାରନ୍ତି କିନ୍ତୁ ସବୁ କିଛି ଆଇନ ଏବଂ ଆମ ସସମ୍ବିଧାନର ନିୟମ ଅନୁସାରେ ହେବା ଉଚିତ୍ ବୋଲି କହିଛନ୍ତି ଜାତୀୟ ମହିଳା କମିସନ ଅଧ୍ୟକ୍ଷା ରେଖା ଶର୍ମା ।
Rekha Sharma, National Commission for Women on #Telangana encounter: As a common citizen I am feeling happy that this was the end we all wanted for them. But this end was supposed to be through the legal system. It should have happened through proper channels. pic.twitter.com/FISS5EVQyF
— ANI (@ANI) December 6, 2019
ବିଜେପି ସାଂସଦ ମେନକା ଗାନ୍ଧି ବି ତେଲଙ୍ଗାନା ପୋଲିସର ଏନ୍କାଉଣ୍ଟର ଉପରେ ପ୍ରଶ୍ନ କରି କହିଛନ୍ତି ଯାହା ବି ହୋଇଛି ଅତି ଭୟଙ୍କର ହୋଇଛି । ଯଦି ପୋଲିସ ଅଭିଯୁକ୍ତଙ୍କୁ ଏଭଳି ଦଣ୍ଡ ମିଳିବା ପୂର୍ବରୁ ବନ୍ଧୁକ ମୁନରେ ମୃତ୍ୟୁଦଣ୍ଡ ଦେବ ତେବେ ଲୋକଙ୍କର ଆଉ ନ୍ୟାୟିକ ପ୍ରକ୍ରିୟା, କୋର୍ଟ ଓ ପୋଲିସ ଉପରେ ବିଶ୍ବାସ ରହିବ ନାହିଁ ।
BJP MP Maneka Gandhi on Telangana encounter: Jo bhi hua hai bohot bhayanak hua hai is desh ke liye, you cannot kill people because you want to. You cannot take law in your hands, they(accused) would have been hanged by Court anyhow pic.twitter.com/4in4sBMJDp
— ANI (@ANI) December 6, 2019
ଲୋକସଭାରେ ଏଆଇଏମଆଇଏମର ମୁଖ୍ୟ ଅଶଦୁଦ୍ଦୀନ ଓୱୈସୀ କହିଛନ୍ତି ଯେ, ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଏନକାଉଣ୍ଟରର ଯାଂଚ୍ ହେବା ଉଚିତ୍ । ଅଶଦୁଦ୍ଦୀନ ଓୱୈସୀଙ୍କ ବ୍ୟତୀତ କଂଗ୍ରେସର ବରିଷ୍ଠ ନେତା ଶଶି ଥରୁର ବି ଏନ୍କାଉଣ୍ଟରକୁ ନାପସନ୍ଦ କରିଛନ୍ତି । ଥରୁରୁ କହିଛନ୍ତି ଯେ, ଏଭଳି ଏନକାଉଣ୍ଟରକୁ ବିଶ୍ଵାସ କରାଯିବ ନାହିଁ । ଯଦି ଅଭିଯୁକ୍ତକାରୀଙ୍କ ନିକଟରେ ଅସ୍ତ୍ର ଥିଲା ତେବେ ପୁଲିସ ତାର କାର୍ଯ୍ୟାନୁଷ୍ଠାନକୁ ଉଚିତ୍ ସାବ୍ୟସ୍ତ କରିପାରିବ । ଯେଉଁ ପର୍ଯ୍ୟନ୍ତ ସମ୍ପୂର୍ଣ୍ଣ ମାମଲା ସାମ୍ନାକୁ ଆସି ନାହିଁ ସେପର୍ଯ୍ୟନ୍ତ ଆମକୁ ନିନ୍ଦା କରିବା ଉଚିତ୍ ନୁହେଁ। କିନ୍ତୁ ପୋଲିସର ଏହି ପ୍ରକ୍ରିୟାକୁ ଉଚିତ୍ କୁହାଯିବ ନାହିଁ ।
