ଭୁବନେଶ୍ୱର,୧୬/୫(ସତ୍ୟପାଠ ବ୍ୟୁରୋ): ଆଜି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ସହ ଭୁବନେଶ୍ୱରରେ ରୋଡ୍ ସୋ’ କରିଥିଲେ ଅପରାଜିତା । ଏହାପରେ ଲିଙ୍ଗରାଜଙ୍କ ଦର୍ଶନ କରି ଅପରାଜିତା ଗଣମାଧ୍ୟମକୁ ପ୍ରତିକ୍ରିୟା ଦେଇଥିଲେ ଯେ, ବିଜେଡି ଜିତିଲେ ନବୀନ ନୁହଁ ପାଣ୍ଡୁଜୀ ହେବେ ମୁଖ୍ୟମନ୍ତ୍ରୀ । ପାଣ୍ଡିଆନଙ୍କୁ ପ୍ରଥମଥର ପାଇଁ ପାଣ୍ଡୁଜୀ ବୋଲି ସମ୍ବୋଧନ କରିଥିଲେ ଭୁବନେଶ୍ୱର ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ। ଏହା ବିଜୁ ଜନତା ଦଳ ନୁହେଁ, ବରଂ ପାଣ୍ଡୁ ଜନତା ଦଳ ବୋଲି କହିଛନ୍ତି ଅପରାଜିତା |
ତେବେ ପ୍ରତିକ୍ରିୟା ଶେଷରେ ନିଜ ଚିରାଚରିତ ଢଙ୍ଗରେ ପାଣ୍ଡୁଜୀ ମୁଁ କହୁନି, ଲୋକ ମାନେ କହୁଛନ୍ତି ବୋଲି କହିଥିଲେ ଅପରାଜିତା |
ତେବେ ସମସ୍ତଙ୍କୁ ଜଣା ଯେ, ଅପରାଜିତାଙ୍କର ଯାହାକୁ କଡା କଥା କହିବାର ଥାଏ, ସେ ସେକଥା କହି ସାରିବା ପରେ ଏହା ଲୋକେ କହୁଛନ୍ତି କହି ଖସି ଯାଇଥାନ୍ତି | ଏଥର ମଧ୍ୟ ସେ ତାହା ହିଁ କରିଛନ୍ତି | ତେବେ ଅପରାଜିତାଙ୍କ ଅଭିଯୋଗ ନେଇ ବିଜେଡି କିମ୍ବା ପାଣ୍ଡିଆନଙ୍କ ପ୍ରତିକ୍ରିୟା ମିଳିପାରିନାହିଁ।
