ଭୁବନେଶ୍ୱର (ସତ୍ୟପାଠ ବ୍ୟୁରୋ): ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ମଧ୍ୟ ଇଡି ନିକଟରେ ହାଜର ହେବେ ନାହିଁ। ଏହି ପ୍ରସଙ୍ଗରେ ଆମ୍ ଆଦମୀ ପାର୍ଟି ଏକ ଲିଖିତ ବିବୃତ୍ତି ଜାରି କରି ସ୍ପଷ୍ଟ କରିଛି ଯେ, ଅରବିନ୍ଦ କେଜ୍ରିୱାଲ ଆଜି ବି ପଚରାଉଚରାରେ ଯୋଗ ଦେବା ପାଇଁ ଇଡି କାର୍ୟ୍ୟାଳୟକୁ ଯିବେ ନାହିଁ। ଆମ୍ ଆଦମୀ ପାର୍ଟି ଇଡି ସମନକୁ ବେଆଇନ ବୋଲି କହିଛି ଏବଂ କହିଛି ଯେ ଆମେ ଆଇନଗତ ଭାବରେ ସଠିକ୍ ସମନ୍ ପାଳନ କରିବୁ। ଏହା ପୂର୍ବରୁ ମଧ୍ୟ ସେ ୪ଟି ସମନକୁ ଅଣଦେଖା କରିଛନ୍ତି।
ବାସ୍ତବରେ ଇଡି ଅର୍ଥାତ୍ ପ୍ରବର୍ତ୍ତନ ନିର୍ଦ୍ଦେଶାଳୟ ବୁଧବାର ଅରବିନ୍ଦ କେଜ୍ରିୱାଲଙ୍କୁ ଏକ ନୂଆ ତଥା ପଞ୍ଚମ ସମନ ଜାରି କରିଛି। ଗତ ୪ ମାସ ମଧ୍ୟରେ ସେ ଯାଞ୍ଚ ଏଜେନ୍ସିର ୪ଟି ସମନକୁ ସ୍ଥଗିତ ରଖିଛନ୍ତି।
