ଭୁବନେଶ୍ୱର (ସତ୍ୟପାଠ ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପୂର୍ବତନ ବ୍ୟକ୍ତିଗତ ସଚିବ, ତଥା 5T ଓ ନବୀନ ଓଡ଼ିଶାର ନବନିଯୁକ୍ତ ଅଧ୍ୟକ୍ଷ ଭିକେ ପାଣ୍ଡିଆନଙ୍କୁ, ନୂଆ ଦାୟିତ୍ୱ ପାଇଁ ଶୁଭେଛା ଜଣାଇଲେ ସାଉଥ ସୁପରଷ୍ଟାର କମଲ ହାସନ | ନିଜ ସୋସିଆଲ ମିଡ଼ିଆ ହ୍ୟାଣ୍ଡେଲ X ରେ ପୋଷ୍ଟ କରି କମଲ ହାସନ ଲେଖିଛନ୍ତି, ଜଣେ ଆଇଏଏସ୍ ଅଧିକାରୀ ଭାବରେ ପ୍ରଶାସନିକ ସେବାରେ ଆପଣଙ୍କ ପରିଶ୍ରମ ଓ ସଚ୍ଚୋଟତା ଯୋଗୁଁ ଆପଣଙ୍କ କାର୍ଯ୍ୟରେ ଉତ୍କର୍ଷତା ପରିଲକ୍ଷିତ ହୋଇଛି | ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଏଭଳି ଏକ ଦୃଢ ଟିମ୍ ର ସହଯୋଗରେ ଓଡିଶା ସମୃଦ୍ଧିଶାଳୀ ହେବ ବୋଲି କମଲ ହାସନ କହିଛନ୍ତି | ଏହାସହିତ 5T ଓ ନବୀନ ଓଡ଼ିଶାର ଅଧ୍ୟକ୍ଷ ଭାବେ ନିଯୁକ୍ତି ପାଇଥିବାରୁ ସେ ପାଣ୍ଡିଆନଙ୍କୁ ଶୁଭେଛା ମଧ୍ୟ ଜଣାଇଛନ୍ତି |
https://x.com/ikamalhaasan/status/1718114139678335149?s=20
ତେବେ କମଲ ହାସନ ଏକା ଧାରାରେ ଦକ୍ଷିଣ ଭାରତୀୟ ସିନେମା ଜଗତର ଜଣେ ସୁପରଷ୍ଟାର ଅଭିନେତା, ନିର୍ଦ୍ଦେଶକ ଓ ପ୍ରଯୋଜକ ହୋଇଥିବା ବେଳେ ସେ ବର୍ତ୍ତମାନ ତାମିଲନାଡୁ ରାଜନୀତିରେ ମଧ୍ୟ ସକ୍ରିୟ ଅଛନ୍ତି | ତେବେ ଉଭୟ କମଲ ଓ ପାଣ୍ଡିଆନ ତାମିଲନାଡୁର ହୋଇଥିବାବେଳେ କମଲଙ୍କ ଶୁଭେଛା ବାର୍ତା ପାଣ୍ଡିଆନଙ୍କ ପାଇଁ ଏକ ବଡ଼ ସ୍ୱୀକୃତି ବୋଲି ବିଜେଡି ତଥା ପାଣ୍ଡିଆନଙ୍କ ପ୍ରଶଂସକ ମାନେ ବିବେଚନା କରୁଛନ୍ତି |
