![](https://www.satyapatha.com/wp-content/uploads/2022/01/vk-bhawara1-716x716.jpg)
ପଞ୍ଜାବରେ ବଦଳିଲେ ପୋଲିସ ଡିଜି। ନୂଆ ଡିଜି ଭାବେ ଦାୟିତ୍ଵ ଗ୍ରହଣ କଲେ ବୀରେଶ କୁମାର ଭାୱରା । ପଞ୍ଜାବ ବିଧାନସଭା ନିର୍ବାଚନ ତାରିଖ ଘୋଷଣା ହେବାର କିଛି ଘଣ୍ଟା ପୂର୍ବରୁ ଭିକେ ଭାୱରାଙ୍କୁ ରାଜ୍ୟର ପୋଲିସ ମୁଖ୍ୟ ଭାବେ ନିଯୁକ୍ତି ଦିଆଯାଇଛି । ପଞ୍ଜାବ ହୋମ୍ଗାର୍ଡର ଡିଜିପି ଥିବା ଭିକେ ଡିଜିପି ସିଦ୍ଧାର୍ଥ ଚଟ୍ଟୋପଧ୍ୟାୟଙ୍କ ସ୍ଥାନରେ କାର୍ଯ୍ୟ କରିବେ । ଶନିବାର ଏ ସମ୍ପର୍କରେ ସୂଚନା ଦିଆଯାଇଛି ।
ଭିକେ ଭାୱରା ୧୯୮୭ ବ୍ୟାଚର ଆଇପିଏସ ଅଫିସ ଅଟନ୍ତି । ଶନିବାର କାର୍ଯ୍ୟକାରୀ ଡିଜିପି ସିଦ୍ଧାର୍ଥ ଚଟ୍ଟୋପଧ୍ୟାୟଙ୍କ ଠାରୁ ଭାୱରା ଦାୟିତ୍ବ ଗ୍ରହଣ କରିଛନ୍ତି । ଉଲ୍ଲେଖଯୋଗ୍ୟ, ଗତ ବୁଧବାର ପଞ୍ଜାବରେ ପ୍ରଧାନମନ୍ତ୍ରୀ ମୋଦିଙ୍କୁ ସୁରକ୍ଷାଜନିତ ତ୍ରୁଟି ପାଇଁ ରାଜ୍ୟର ପୋଲିସ ମହାନିର୍ଦ୍ଦେଶକ ସିଦ୍ଧାର୍ଥ ଚଟ୍ଟୋପଧ୍ୟାୟଙ୍କୁ ବଦଳି କରାଯାଇଛି । ତାଙ୍କ ସ୍ଥାନରେ ଭିକେ ଭାୱରାଙ୍କୁ ନିଯୁକ୍ତି ମିଳିଛି । ପିଏମ୍ଙ୍କ ସୁରକ୍ଷାରେ ଅବହେଳା ଲାଗି ତତ୍କାଳୀନ ଡିଜିପିଙ୍କୁ ଦାୟୀ କାରଯାଇଥିଲା ।