ଓମିକ୍ରନ ଭୟ ମଧ୍ୟରେ ରାଜ୍ୟରେ କମୁଥିବା କରୋନା ସଂକ୍ରମିତଙ୍କ ସଂଖ୍ୟାକୁ ନେଇ ଆଶ୍ୱସ୍ତକର ଖବର ଆସିଛି | ଗତ ୨୪ ଘଣ୍ଟାରେ ୧୪୧ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ, ସେମାନଙ୍କ ମଧ୍ୟରେ ୧୯ ଜଣ ୧୮ ବର୍ଷରୁ କମ୍ ଶିଶୁ ଓ କିଶୋର-କିଶୋରୀ ରହିଛନ୍ତି | ଏଥିସହ କ୍ବାରେଣ୍ଟାଇନ ସେଣ୍ଟରରୁ ୮୪ ଓ ୫୭ଟି ସ୍ଥାନୀୟ ସଂକ୍ରମଣ ମାମଲା ରହିଛି । ସେହିପରି ଆଜି ରାଜ୍ୟରେ ୨ ଜଣ କୋରୋନା ଆକ୍ରାନ୍ତଙ୍କର ମୃତ୍ୟୁ ହୋଇଛି । ଜଣେ ବାଲେଶ୍ବରର ହୋଇଥିବା ବେଳେ ଆଉ ଜମେ ମୃତକ ଗଞ୍ଜାମ ଜିଲ୍ଲାରୁ ହୋଇଥିବା ସୂଚନା ।
ଆଜି ଚିହ୍ନଟ ସଂକ୍ରମିତଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୫୮ ଚିହ୍ନଟ ହୋଇଥିବା ବେଳେ ଅନୁଗୋଳରୁ ୨ ବାଲେଶ୍ବରରୁ ୧, ବଲାଙ୍ଗୀରରୁ ୧, କଟକରୁ ୧୨, ଦେବଗଡରୁ ୯, ଢେଙ୍କାନାଳରୁ ୩, ଗଞ୍ଜାମରୁ ୩, ଯାଜପୁରରୁ ୪, ଝାରସୁଗୁଡାରୁ ୨, ଜଗତସିଂହପୁରରୁ ୪, କେନ୍ଦ୍ରାପଡାରୁ ୧୦, କେନ୍ଦୁଝରରୁ ୧, ମୟୂରଭଞ୍ଜରୁ ୩, ନୟାଗଡରୁ ୧, ନୂଆପଡାରୁ ୩, ପୁରୀରୁ ୧, ସମ୍ବଲପୁରରୁ ୪, ସୁନ୍ଦରଗଡରୁ ୮ ଏବଂ ଷ୍ଟେଟପୁଲ ଆକ୍ରାନ୍ତଙ୍କ ସଂଖ୍ୟା ୧୧ ରହିଛି । ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟ ୧୦,୫୩,୬୪୫ରେ ପହଞ୍ଚିଛି ।
