କରୋନା ମହାମାରୀଙ୍କୁ ନେଇ ଏବେ ସମଗ୍ର ବିଶ୍ୱରେ ସ୍ଥିତି ସଂଘିନ ହୋଇପଡିଥିବା ବେଳେ, ଗତ ୨୪ ଘଣ୍ଟାରେ ୩୧ ଲକ୍ଷ ୭୨ ହଜାର ସଂକ୍ରମିତ ଚିହ୍ନଟ ହୋଇଛନ୍ତି । ଗୋଟିଏ ଦିନରେ ୭ ହଜାର ୨୯୯ ରୋଗୀ ମୃତ । ଆମେରିକାରେ ବେଲଗାମ କରୋନା । ଗୋଟିଏ ଦିନରେ ୮ ଲକ୍ଷ ୬ ହଜାର ୪୯୩ କରୋନା ପଜିଟିଭ କେସ । ପ୍ରାଣ ହରାଇଛନ୍ତି ୧ହଜାର ୯୬୯ ରୋଗୀ ।
ଅନ୍ୟପରେ ଫ୍ରାନ୍ସର ସ୍ଥିତି ମଧ୍ୟ ସମାନ ରହିଛି | ୨୪ ଘଣ୍ଟାରେ ୩ ଲକ୍ଷ ୫ହଜାର ୩୨୨ ଆକ୍ରାନ୍ତ ଚିହ୍ନଟ ହୋଇଛନ୍ତି । ଫ୍ରାନ୍ସରେ ଗୋଟିଏ ଦିନରେ ୨୨୫ ଜଣଙ୍କ ମୃତ୍ୟୁ । ଇଟାଲୀରେ ୧ଲକ୍ଷ ୮୪ ହଜାର କରୋନା କେସ । ସ୍ପେନରେ ୧ ଲକ୍ଷ ୫୯ ହଜାରରୁ ଅଧିକ ପଜିଟିଭ ଚିହ୍ନଟ । ଆର୍ଜେଣ୍ଟିନାରେ ୧ ଲକ୍ଷ ୨୮ ହଜାର ମାମଲା ସାମନାକୁ ଆସିଛି |
ଦେଶରେ ଲମ୍ବ ଡିଆଁ ମାରୁଛି କୋରୋନା । ଦିନ ପରେ ଦିନ ନୂଆ ରେକର୍ଡ କରୁଛି ସଂକ୍ରମଣ । ଆଜି ଭାରତରେ ଅଢେଇ ଲକ୍ଷ ଟପିଛି ପଜିଟିଭ ମାମଲା । ଗତ ୨୪ ଘଣ୍ଟା ମଧ୍ୟରେ 2,64,202 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହା ଗୁରୁବାର ତୁଳନାରେ 6.7 ପ୍ରତିଶତ ଅଧିକ । ବର୍ଦ୍ଧିତ ସଂକ୍ରମଣ ମାମଲା ସହ ଭାରତରେ ସୁସ୍ଥ ସଂଖ୍ୟା ମଧ୍ୟ ବୃଦ୍ଧି ପାଉଛି । 24 ଘଣ୍ଟା ମଧ୍ୟରେ 1,09,345 ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି ।
ନୂଆ ଆକ୍ରାନ୍ତଙ୍କୁ ମିଶାଇ ଭାରତରେ ସକ୍ରିୟ ମାମଲା 12,72,073ରେ ପହଞ୍ଚିଛି । ଦେଶରେ ଦିନକୁ ଦିନ ପଜିଟିଭ ହାର ମଧ୍ୟ ବଢିଚାଲିଛି । ସଂକ୍ରମଣ ଏତେ କ୍ଷୀପ୍ର ବେଗରେ ବଢୁଛି ଯେ, ଡିସେମ୍ବର ଶେଷରେ ଭାରତର ଦୈନିକ ପଜିଟିଭ ହାର 1.1 ପ୍ରତିଶତ ଥିବାବେଳେ ଏବେ 14.78%କୁ ବୃଦ୍ଧି ପାଇଛି । କୋରୋନାର ନୂଆ ଭାରିଆଣ୍ଟ ଓମିକ୍ରନ ମଧ୍ୟ କାୟା ବିସ୍ତାର କରିଚାଲିଛି । ଏଯାବତ୍ ଦେଶ ମଧ୍ୟରୁ 5,753 ଓମିକ୍ରନ ମାମଲା ଚିହ୍ନଟ ହୋଇଛି ।
