‘ବିଗ୍ବସ୍-୧୫’ର ଗ୍ରାଣ୍ଡ ଫିନାଲରେ ବିଗ୍ବସ୍-୧୩ର ବିଜେତା ସିଦ୍ଧାର୍ଥ ଶୁକ୍ଳାଙ୍କୁ ଶ୍ରଦ୍ଧାଞ୍ଜଳି ଦିଆଯିବ। ଶୋ’ର ଫିନାଲେ ଆପିସୋଡକୁ ସ୍ବତନ୍ତ୍ର ରୂପ ଉପସ୍ଥାପନ କରିବା ନେଇ ପ୍ରସ୍ତୁତି ଚାଲିଛି। ଏଥର ଶୋ’ରେ ବର୍ଷ ୨୦୨୧ରେ ସିଦ୍ଧାର୍ଥ ଶୁକ୍ଲାଙ୍କ ପରଲୋକ ହୋଇଯାଇଥିଲା। ସିଦ୍ଧାର୍ଥଙ୍କ ପରଲୋକ ହେବା ପରେ ଗ୍ଲାମର ଦୁନିଆରେ ସମସ୍ତେ ସ୍ତବ୍ଧ ପାଲଟିଯାଇଥିଲେ। ଏବେ ବିଗ୍ବସ୍ ନିଜର ପ୍ରକୃତ ହିରୋକୁ ମନେ ପକାଇବ। ଏହି ଅବସରରେ ସିଦ୍ଧାର୍ଥଙ୍କ ସବୁଠାରୁ ଭଲ ସାଙ୍ଗ ଶହନାଜ ଗିଲ ଉପସ୍ଥିତ ରହିବେ।
ନିକଟରେ କଲର୍ସ ନିଜର ଇନ୍ଷ୍ଟାଗ୍ରାମ ପେଜ୍ରେ ଏକ ନୂଆ ପ୍ରୋମୋ ଭିଡିଓ ସେୟାର କରିଥିଲା। ଏହି ପ୍ରୋମୋ ଭିଡିଓରେ ସିଦ୍ଧାର୍ଥ ଏବଂ ଶହନାଜଙ୍କ କିଛି ଭିଜୁଆଲ ରହିଥିଲା, ଯାହାକି ବିଗ୍ବସ୍ର ଘରେ ବିତାଇଥିବା ଉଭୟଙ୍କ ସ୍ମରଣୀୟ ମୁହୂର୍ତ୍ତକୁ ମନେ ପକାଇ ଦେଉଥିଲା।
