ରାଜଧାନୀ ଭୁବନେଶ୍ବରରେ ଟ୍ୟୁସନ ଛାତ୍ରୀଙ୍କୁ ଅପହରଣ କରିବା ମାମଲାରେ ଅଭିଯୁକ୍ତ ସାର୍ ଗିରଫ । ସମ୍ବଲପୁର ଅଇଁଠାପାଲିରୁ ପୋଲିସ ତାଙ୍କୁ ଗିରଫ କରିଛି । ଟ୍ୟୁସନ ସାର ଗୋପାଳକୃଷ୍ଣ ବର୍ତ୍ତିଆଙ୍କୁ ପୋଲିସ ଗିରଫ କରିବା ସହ ୨ ଛାତ୍ରୀଙ୍କୁ ଉଦ୍ଧାର କରିଛି ।
ସୂଚନା ଅନୁଯାୟୀ, ଗୋପାଳକୃଷ୍ଣ ୨ ଦିନ ଧରି ୨ ଛାତ୍ରୀଙ୍କୁ ନେଇ କେଉଁ ଆଡେ ଫେରାର୍ ହୋଇଯାଇଥିଲେ। ତାଙ୍କ ସହ ଯୋଗୋଯୋଗ କରିବାକୁ ଚେଷ୍ଟା କରାଯାଇଥିଲେ ମଧ୍ୟ ଛାତ୍ରୀଙ୍କ କୌଣସି ପତ୍ତା ମିଳିନଥିଲା । ଫଳରେ ବାଧ୍ୟହୋଇ ଗତକାଲି(ମଙ୍ଗଳବାର) ପରିବାର ଲୋକେ ଥାନାରେ ଏତଲା ଦେଇଥିଲେ । ପୋଲିସ ଖାନତଲାସି କରି ଟ୍ୟୁସନ ସାରଙ୍କୁ ସମ୍ବଲପୁରରୁ ଗିରଫ କରିବା ସହ ୨ ଛାତ୍ରୀଙ୍କୁ ସୁରକ୍ଷିତ ଉଦ୍ଧାର କରିଛି । ଅପହରଣ ହୋଇଥିବା ଜଣେ ଛାତ୍ରୀ ଦଶମ ଶ୍ରେଣୀର ହୋଇ ଥିବାବେଳେ ଅନ୍ୟଜଣେ ଅଷ୍ଟମ ଶ୍ରେଣୀରେ ପଢୁଥିଲେ ।
