ପାକିସ୍ତାନ କରାଚୀ ସହରରେ ଭୟଙ୍କର ବିସ୍ଫୋରଣ । ଫଳରେ ଏହି ଅଘଟଣରେ ୧୦ ଜଣଙ୍କ ମୃତ୍ୟୁ ହୋଇଛି । ଏନେଇ ପାକିସ୍ତାନ ମିଡିଆରୁ ସୂଚନା ମିଳିଛି । ଏହାସହ ଏହି ବିସ୍ଫୋରଣରେ ଅନେକ ଲୋକ ଗୁରୁତର ହୋଇଥିବା କୁହାଯାଇଛି ।
ସୂତ୍ର ସୂଚନା ମୁତାବକ କରାଚୀର ସେରସା ପରଚା ଛକଠାରେ ଥିବା ଏକ କୋଠାଘରେ ଶନିବାର ଅପରାହ୍ନରେ ହଠାତ ବିସ୍ଫୋରଣ ହୋଇଥିଲା । କେହି କିଛି ବୁଝିବା ଆଗରୁ ପୁରା କୋଠାରେ ନିଆଁ ଲାଗିଯାଇଥିଲା । ଏହି ନିଆଁରେ ପୋଡି ହୋଇ ୧୦ ଜଣ ଲୋକ ପ୍ରାଣ ହରାଇଛନ୍ତି ଓ ଅନେକ ଲୋକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ମେଡିକାଲ ପଠାଯାଇଛି । ଖବର ପାଇ ସ୍ଥାନୀୟ ପ୍ରଶାସନ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
