ଭୁବନେଶ୍ୱର(ସତ୍ୟପାଠ ବ୍ୟୁରୋ): ଧାରା ୩୭୦ ହଟିବା ପରେ ପ୍ରଧାନମନ୍ତ୍ରୀଙ୍କ ନରେନ୍ଦ୍ର ମୋଦି ପ୍ରଥମଥର କରି ଜାମ୍ମୁ-କାଶ୍ମୀର ଗସ୍ତ କରିଛନ୍ତି । ସେପଟେ ଜାମ୍ମୁ କାଶ୍ମୀରର ସାମ୍ବା ଜିଲ୍ଲାର ଚିଲି ଗ୍ରାମ ପଞ୍ଚାୟତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ସାଧାରଣ ସଭାରେ ସମ୍ବୋଧିତ କରିଛନ୍ତି। ଜାତୀୟ ପଞ୍ଚାୟତ ଦିବସ ଅବସରରେ ସେ ସାରା ଦେଶରେ ପଞ୍ଚାୟତକୁ ସମ୍ବୋଧିତ କରିଥିଲେ। ଏହି ସମୟରେ ସେ ରାଜ୍ୟକୁ ଅନେକ ଉପହାର ଦେଇଥିଲେ। ଧାରା ୩୭୦ ରଦ୍ଦ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଏହା ହେଉଛି ପ୍ରଥମ ଜାମ୍ମୁ କାଶ୍ମୀର ଗସ୍ତ । ଅନ୍ୟପଟେ ରାଜ୍ୟର ଯୁବକମାନଙ୍କୁ ସମ୍ବୋଧିତ କରି ସେ କହିଛନ୍ତି, ଯେଉଁ ଅସୁବିଧାରେ ଆପଣଙ୍କ ପିତାମାତା ଏବଂ ଜେଜେବାପାଙ୍କୁ ବଞ୍ଚିବାକୁ ପଡ଼ିଛି, ତୁମକୁ ଏପରି ଜୀବନ ବଞ୍ଚିବାକୁ ପଡିବ ନାହିଁ ।
ମୁଁ ତୁମକୁ ଏହା କରିକି ଦେଖାଇବି । ଥରେ ଏକ ସରକାରୀ ଫାଇଲ ଦିଲ୍ଲୀରୁ ଚାଲୁଥିଲା, ଯାହା ଜାମ୍ମୁ କାଶ୍ମୀରରେ ପହଞ୍ଚିବା ପାଇଁ ୨-୩ ସପ୍ତାହ ସମୟ ଲାଗିଥିଲା । ମୁଁ ଖୁସି ଯେ ଆଜି ୫୦୦ କିଲୋୱାଟ ସୌର ବିଦ୍ୟୁତ୍ ଉତ୍ପାଦନ କେନ୍ଦ୍ର ମାତ୍ର ୩ ସପ୍ତାହ ମଧ୍ୟରେ କାର୍ୟ୍ୟକାରୀ ହୋଇଛି । ବିଦ୍ୟୁତ୍ ଉତ୍ପାଦନ ଆରମ୍ଭ କରୁଛି । ସ୍ୱାଧୀନତାର ଆଗାମୀ ୨୫ ବର୍ଷରେ ନୂତନ ଜାମ୍ମୁ କାଶ୍ମୀର ବିକାଶର ଏକ ନୂତନ କାହାଣୀ ଲେଖିବ ବୋଲି ପ୍ରଧାନମନ୍ତ୍ରୀ କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
